تهقینهوه 12 كهسی له بهغدا كرده قوربانی
باندێكی كوشتن و رفاندن له مووسڵ دهستگیركراوه
K24 - ههولێر:
لە ئەنجامی تەقینەوەی دوو بۆمبی چێندراو لە شاری بەغدا، 12 كەس بوونە قوربانی.
سەرچاوەیەكی ئەمنی لە بەغدا رایگەیاند، لە ئەنجامی تەقینەوەی دوو بۆمبی چێندراو لەبازاڕێكی میللی ناوچەی شوعلەی باكووری بەغدای پایتەخت، ھاووڵاتیەك كوژرا و 11 كەسی دیكەش برینداربوون.
ھاوكات، بەگوێرەی راگەیەنراوێكی ناوەندی میدیای ئەمنی عێراق، 6 ئەندامی باندێكی كوشتن و رفاندن لە موسڵ، لەلایەن ھێزە ئەمنییەكانی ئەو شارەوە دەستگیركران.
ماوهیهكه رهوشی ناوچه جیاوازهكانی عێراق له رووی ئهمنییهوه بهرهو خراپی رۆیشتووهو تهقینهوهو كوشتن و هێرشی چهكداری زیادی كردووه.