پێنج رێگای ئاسان بۆ سوتانی کالۆرییەکی زۆر

K24 – هه‌ولێر:

پێنج رێگای ئاسان هەیە بۆ سووتانی بڕێکی زۆری کالۆری بەبێ ئەوەی هیچ جۆرە وەرزشێک ئەنجام بدەیت.

بەگوێرەی هەواڵێکی بەشی تەندروستی رۆژنامەی تایمز، ئەم پێنج رێگایە زانستیانە تاقیکراونەتەوە و سەلمێندراون.

دانەنیشتن

بجوڵێ، جار جار هەستە سەرپێ و بنێشت بجو. ئەم کردارە بچووکانە، دەکرێت ببنە هۆی سوتانی 200 بۆ 3 هەزار کالۆری لە رۆژێکدا.

چای سەوز بخۆرەوە

توێژینەوەکان دەریانخستووە، خواردنەوەی چای سەوز، کرداری سوت و ساز(مێتابۆلیزم) بە رێژەی 4% بۆ 5% زیاد دەکات.

ئاوی زیاتر بخۆرەوە

توێژینەوەیەکی ئەڵمانی دەریخستووە، خواردنەوەی دوو پەرداخ ئاو، سوتانی کالۆری بەرێژەی 30% لەماوەی 10 خولەکدا زیاد دەکات. ئەو زیاد سوتانی کالۆرییەش لە دوای خواردنەوەی دوو پەرداخ ئاوەکە، بۆ ماوەی یەک کاتژمێر کارا دەبێت.

لیمۆ

شەربەتی سروشی لیمۆ لەگەڵ ئاو و چاکەت تێکەڵ بکە. بە گوێرەی بەدواداچوونێکی زانکۆی ئەریزۆنا لە ئەمەریکا، ئەو کەسانەی وەرزش دەکەن و بری پێویست ڤیتامین سی ناخۆن، بە رێژەی 25% کەمتر کالۆری دەسوتێنن.

پێبکەنە

گۆڤاری نێودەوڵەتی ئۆبێسیتی ئاشکرای کردووە، 15 خولەک پێکەنین لە رۆژێکدا بڕی 40 کالۆری دەسوتێنێت.

H.J