بارهەڵگرێک دوو کرێکاری کردە قوربانی

K24 – هه‌ولێر:

بەیانی ئەمڕۆ دووشەمە 07/01/2019، لەسەر رێگای کەلار - ناحییەی رزگاری، ئۆتۆمبێلێکی بارهەڵگر دوو کرێکار بەناوەکانی کاروان رۆستم عەلی، لەدایکبووی ساڵی 1988 و خەلیل عبدللە حەمەساڵح، لەدایکبووی ساڵی 1991 کردە قوربانی.

بەگوێرەی راگەیندراوێکی پۆلیسی گەرمیان، ئەو دووهاووڵاتییە کە هەردووکیان گیانیان لەدەستداوە، دانیشتووی ناحییەی رزگاری سەربەقەزای کەلارن و بەمەبەستی کرێکاری بەیانی ئەمڕۆ لەماڵ هاتوونەتە دەرەوە .

لەئێستادا، بەمەبەستی توێکاری تەرمەکانیان رەوانەی پزیشکیی دادوەریی قەزای کەلارکراون و شۆفێری ئۆتۆمبێلەکەش بەبڕیاری دادوەر و بەپێی مادەی 24ی هاتووچۆ بەندکراوە.

H.J