لە كەركووك چەكدارێكی حەشد و ئافرەتێك كوژران
ھێرش كراوە و تەقینەوەش روویداوە
K24 - ھەولێر
بەھۆی ھێرش و تەقینەوەیەك لە كەركووك، چەكدارێكی حەشدی شەعبی و ئافرەتێك كوژران و دوو كەسی دیكەش برینداربوون.
سەرچاوەیەكی ئەمنی لە پارێزگای كەركووك رایگەیاند "لە ئەنجامی تەقینەوەی بۆمبێكی چێندراو لە گوندی سەبتی لەباشووری پارێزگاكە، ئافرەتێك كوژرا و دوو كەسی دیكەش برینداربوون".
لەلایەكی دیكەوە پۆلیسی فیدڕاڵی عێراق ئاشكرای كرد "لە ھێرشێكی چەكدارانی داعشدا، چەكدارێكی حەشدی شەعبی لە باشووری كەركووك كوژرا".
دوای 16ی ئۆكتۆبەری 2017 و كشانەوەی ھێزی پشمەرگە لە كەركووك و بەشێك لە ناوچە كوردستانییەكانی دیكە، دۆخی ئەمنی ئەو ناوچانە لەبارێكی خراپدایە و تائێستاش نەتوانراوە رێگری لە ھێرشەكانی چەكدارانی داعش بكرێت.