هەسەدە 157 تیرۆرستی دەستگیر کرد

K24 – هه‌ولێر:

لە ئۆپەراسیۆنێکیاندا لە گوندی باغۆز، هێزەکانی سووریای دیموکرات (هەسەدە) 157 تیرۆرستیان دەستگیرکرد کە زۆربەیان بیانین.

موستەفا بالی، گووتەبێژی هەسەدە لە تۆڕی کۆمەڵایەتی تویتەر لەبارەی ئۆپەراسیۆنەکە رایگەیاندووە: "157 تیرۆرستی بە ئەزموون کە زۆربەیان بیانین لە ئۆپەراسیۆنێکدا لە باغۆز دەستگیر کران".

باغۆز دواین پێگەی داعشە لە سووریا و چەند هەفتەیەکە ئۆپەراسیۆنی هەسەدە بە یارمەتی فڕۆکە جەنگییەکانی هاوپەیمانان بۆ کۆنتڕۆڵکردنی دەستیپێکردووە، بەڵام بەهۆی زۆری هاووڵاتی مەدەنی، ئۆپەراسیۆنەکە بە هێواشی بەڕێوەدەچێت.

H.J