هەموو شتێک دەربارەی حومس بزانە

K24 – هه‌ولێر:

حومس لە هاڕاوەی نۆک، زەیتی زەیتوون، تەحین، شەربەتی لیمۆ و چەند جۆرێک لە بەهارات دروست دەکرێت و توێژینەوەیەکی ئەمەریکیش سوودەکانی ئەو خواردنە ئاشکرا دەکات.

ئیلیزابێس ماتیۆ، پسپۆڕی خواردن لە زانکۆی بۆستن لەبارەی سوودەکانی خواردنی حومس کە خواردنێکی رۆژهەڵاتییە و ئێستا لە ئەوروپا و ئەمەریکا خواست لەسەری زیادی کردووە دەڵێت: "لە سۆسەکانی دیکە سوودی زیاترە چونکە دەوڵەمەندە بە ڤیتامین و کانزاکان بە تایبەت کالسیۆم، فۆلات و مەگنیسیۆم".

راشیگەیاند: "پڕۆتین، فایبەر و چەوری تەندروستی تێدایە و سوودی بۆ جێگیرکردنی رێژەی شەکر لە خوێن و نەخۆشییەکانی دڵ هەیە".

چۆن بە شێوەیەکی تەندروست حومس بخورێت

نابێت رێژەیەکی زۆر لە حومس بخورێت چونکە بەهۆی زەیتی زەیتوون و تەحین، کالۆری زۆری تێدایە، بەجۆرێک بۆ هەردوو کەوچێکێک بڕی 70 کالۆری تێدایە.

هەروەها ئەگەر حومس لەگەڵ نان و چیپس و سەوزەوات بخورێت دەکرێت جێگای ژەمێکی خواردن بگرێتەوە.

Times

H.J