لە سلێمانی 46 تۆمەتبار دەستگیر کران

K24 – هه‌ولێر:

لە ماوەی دوو هەفتەی رابردوودا، پۆلیسی سلێمانی 46 تۆمەتباری دەستگیر كردووە  و دەستیشی بەسەر سێ‌ چەكی جۆری دەمانچەدا گرتووە.

بەگوێرەی راگەیندراوێکی پۆلیسی سلێمانی، تۆمەتباران بە گوێرەی ئەم ماددانەی خوارەوە دەستگیر کراون:

- سێ‌ تۆمەتبار دەستگیركراون بەپێی ماددەی 21 ی چەك‌و دەستیش بەسەر سێ‌ چەكی جۆری دەمانچەدا گیراوە.

- 16 تۆمەتبار دەستگیركراون بەپێی ماددەكانی (452، 453، 456و 457 ) كە سەرجەم تۆمەتباران بەبیانوی جۆراوجۆر هاوڵاتیانیان فریوداوە و پارەیان لێوەرگرتون.

- 27 تۆمەتباری تر دەستگیركراون بەپێی ماددەكانی (29ی چاودێری، 55ی یاسای سزادان، 495 ی یاسای سزادان)و چەند ماددەیەكی تر لەیاسای سزادانی عیراقی.

جیا لە دەستگیرکردنی ئەو تۆمەتبارانە، پێنج كافتریا و گازینۆ داخران كە پابەندنەبوون بەڕێنماییەكانی گەشتوگوزار و شوێنەکانیان بۆ قوماركردن بەكارهێناوە.

H.J