مەسرور بارزانی و مەولود چاوشئۆغڵو کۆبوونەوە

لە کۆبوونەوەکەدا، پەرەپێدانی پەیوەندییەکانی نێوان هەولێر و ئەنقەرە و دوا پەرەسەندنەکانی ناوچەکە تاوتوێ کران و جەخت لە پاراستنی بەرژەوەندی ھاوبەش وسەقامگیری و ئاسایش و پێکەوەژیانی ئاشتیانەی نێوان گەلانی ناوچەکەدا کرایەوە.

وەزیری دەرەوەی تورکیا، وێڕای خواستنی هیوای سەرکەوتن بۆ مەسرور بارزانی لە سەرۆکایەتی کردنی کابینەی داھاتووی حکومەتێ ھەرێمی کوردستاندا، فراوانکردنی ئاسۆی ھاریکاری و پەرەپێدانی پەیوەندی دوو قۆڵی لەنێوان هەردوولا لەگشت بوارەکان بە پێویستزانی.

لە بەرامبەردا مەسرور بارزانی، وێڕای ئاماژەدان بەگرینگی بوونی بەرژەوەندی ھاوبەش لەنێوان ھەرێمی کوردستان و تورکیا، خواستی ھەرێمی کوردستانی بۆ پەرەپێدانی پەیوەندییەکان لە بوارە جۆراوجۆرەکان دەربڕی.