ئهو تاقانهیهی ئهنفال كه رێگری لێ كرا ئاڵای له مل بێت بۆ كوردستان24 دهدوێت
به یاوهری ژمارهیهك له كهسوكاری ئهنفالكراوانی گهرمیان روویان له سهماوه كردبوو
K24 – دهربهندیخان:
حهسهن عهلی، تاقانهی ئهنفال، ئهو گهنجهیه كه له سهماوه لهسهر گۆڕی به كۆمهڵی كهسوكاره ئهنفالكراوهكهی، رێگریی لێ كرا، ئاڵای كوردستان ههڵ بكات، رایگهیاند، یاداشتێكی 11 خاڵیمان داوهته سهرۆكایهتیی كۆماری عێراق و سهرۆكایهتیی ئهنجومهنی نوێنهران.
حهسهن عهلی، كه به یاوهری ژمارهیهك له كهسوكاری ئهنفالكراوانی گهرمیان، روویان له سهماوه كردبوو، له نزیكهوه گۆڕه به كۆمهڵهكهی سهماوهی بینیوه و راشیگهیاند، له نزیك گۆڕه به كۆمهڵهكه قهوانی فیشهك و تهقهمهنی بینیوه.
هاوكات زۆراب مهدحهت، كه یهكێكی دیكهیه له كهسوكاری قوربانیانی ئهنفال، رایگهیاند، ههوڵی ئهو ئهفسهرهی ویستی سوكایهتیی به ئاڵای كوردستان بكات، به لهیهك تێگهیشتن رێگریی لێ كرا و ههوڵهكهی سهركهوتوو نهبوو.
ئهو دوو گهنجه كورده، ههریهكهیان بڕێك له لمی بیابانی سهر رووفاتی كهسوكاریان له گۆڕه به كۆمهڵهكهی سهماوه هێناوهتهوه، بۆ ئهوهی دهروونی پڕ له ئازاریان ئارام بكاتهوه.
.JPG)
ئامادهكردن و فۆتۆ: كاروان یاره