زریانی "دۆریان" زیانی گیانیی و وێرانكاریی لێ كه‌وته‌وه
زیاتر له 40 كه‌س گیانیان له ده‌ست داوه
K24 - هه‌ولێر:
ژماره‌ی قوربانیانی زریانی "دۆریان" كه دوورگه‌ی (باهاماس)ـی له باشووری ویلایه‌ته یه‌كگرتووه‌كانی ئه‌مه‌ریكا گرته‌وه بۆ 43 كه‌س به‌رزبووه‌ته‌وه و ئه‌گه‌ری هه‌یه ژماره‌ی قوربانییه‌كانی زیاتر ببێت.
به‌گوێره‌ی راپۆرتێكی كه‌ناڵی (NBC)ـی ئه‌مه‌ریكی، ئه‌مڕۆ شه‌ممه 7/9/2019 هۆبێرت مینس، نوێنه‌ری سه‌رۆك وه‌زیرانی دوورگه‌ی باهاماس گوتوویه‌تی: "ژماره‌ی قوربانیانی زریانه‌كه گه‌یشتووه‌ته 43 كه‌س، پێده‌چێت ژماره‌ی قوربانیان زۆر له‌وه زیاتر ببێت".
IN DORIAN’S WAKE: Harrowing drone footage shows widespread devastation across Abaco in the Bahamas after Hurricane Dorian struck the islands as a deadly Category 5 storm – flattening homes, leveling business and uprooting trees. https://t.co/sjUG7YU5aR pic.twitter.com/GD2ai9AcgC
— ABC News (@ABC) September 5, 2019
رۆژنامه‌ی واشنتن پۆستی ئه‌مه‌ریكی له‌وباره‌یه‌وه نوسیوویه‌تی: "35 كه‌س له دوورگه‌ی ئه‌باكۆس و 8 كه‌سی دیكه له دوورگه‌ی گراند باهاماس له باكوور به‌هۆی زریانه‌‌وه بێسه‌روشوێنن و پرۆسه‌ی گه‌ڕان و هه‌وڵه‌كانی رزگاركردنیان به‌رده‌وامه".
ناوه‌ندی نیشتمانی چاودێریی زریانه‌كان ده‌ڵێت: "سه‌ره‌رای پاشه‌كشه‌ی له‌سه‌رخۆی هێزی زریانه‌كه، به‌ڵام پێده‌چێت له چه‌ند رۆژی داهاتووشدا پارێزگاریی له هێزی وێرانكه‌ری خۆی بكات".
به‌هۆی زریانی دۆریان له دوورگه‌ی باهاماس خانووبه‌ره‌ی ناوچه‌كه زیانی زۆری به‌ركه‌وتووه، له ئاسمانه‌وه وێنه‌ی دوورگه‌كه گیراوه و ده‌ركه‌وتووه ئاو و لافاو به‌شێكی ماڵه‌كانی داپۆشیوه و وێرانكاریی به شوێنه‌كه‌وه ده‌بینرێت.
