حكوومه‌ت عێراق 4 كه‌مپی له‌ سنووری پارێزگای نه‌ینه‌وا داخست

K24- هه‌ولێر:

وەزارەتی کۆچ و کۆچبەرانی عێراق لە راگەیێندراوێکدا داخستنی 4 کەمپی لە سنووری پارێزگای نەینەوا راگەیاند.

لە راگەیێندراوەکەدا هاتووە، تەواوی خێزانە ئاوارەکان لە هەرچوار کەمپەکە گەڕاونەتەوە ناوچەکانیان. ئاماژەی بەوەشداوە، نزیکەی 4 ساڵە ئەو ئاوارانە لەو کەمپانەدا ژیانیان بەسەر دەبرد، دوای گەڕانەوەشیان بۆ ناوچەکانیان وەزارەت کەمپەکانی داخستووە.

پێشتر وەزارەتی کۆچ و کۆچبەرانی عێراق داخستنی 3 کەمپی دیکەی لە سنووری پارێزگای نەینەوا راگەیاندبوو.

H.B