شوێنکەوتوانی ئاینێک بە چەقۆ و شمشێر "خوا پەرستی" دەکەن

K24 – هه‌ولێر:

لە فێستیڤاڵی ساڵانەی روەکخۆرانی تایلەند، شوێنکەوتوانی ئاینی تاو( ئاین و فەلسەفەیەکی کۆنی بە بنەچە چینییە و جەخت لەسەر فرە خوایی دەکاتەوە)، بە شمشێر، چەقۆ، دەسکی تێنس و دەرزی پاڵپشتی خۆیان بۆ ئاینەکەیان دەربڕی.

ئەو فێستیڤاڵە کە بە فێستیڤاڵی "نۆ خواوەندی ئیمپراتۆر" ناسراوە، تاویستەکان جیا لەوەی ئەو کردەوە بە ئازارانە ئەنجام دەدەن، هەندێکیشیان بەسەر خەڵوزی گەشاوە دەڕۆن.

شوێنکەوتوانی ئەم ئاینە پێیان وایە، بە ئەنجامدانی ئەم کارە، "خوداکانیان" بەختی خراپییان ناهێڵێت و داهاتوویەکی باشتریان دەبێت.

Daily Mail

H.J