پزیشكێکی کورد دوای چاکبوونەوەی لە کۆرۆنا باس لە نیشانە و چارەسەرکردنی نەخۆشییەکە دەکات

1- لەش داهێزرانێکی زۆر (ئەمە لە زۆبەی نەخۆشەکاندا هەیە).

2- تێکچوون و پچڕ پچڕ بوونی خەو.

3- تاڵیی تامی نێو قوڕگ (بە کەمی و بۆ ماوەیەکی کورت).

4- ئازاری پچڕ پچڕی ماسولکە ( سەرەتا بە ماسولکەکانی. حەوزەوە دەست پێدەکات و دواتر بۆ پەلەکانی خوارە دەجوڵێت).

5-لەرزین (لە یەکەم دوو ڕۆژی نەخۆشییەکە و دواتر لە ڕۆژی هەشتەم و نۆیەم و دەیەم).

6- تا(لە یەکەم دوو ڕۆژ 37.8 بۆ 38 سێلسیز).

7-ئارەقکردنەوەیەکی زۆر( لە یەکەم دوو ڕۆژ و ڕۆژی هەشتەم بۆدەیەم).

8- نەرمە کۆکەیەکی کەم بە بێ هەناسە تووندبوون و بەڵغەم.

9-توونبوونێکی کەمی قەفەزەی سنگ .

10-ڕۆژی هەشتەم بۆ دوازدەیەم واتە خولی دووەمی نەخۆشییەکە نیشانەکان توندتر بوون.

ئەزموونی چارەسەر:

1-خۆ کەرەنتین کردن لە ماڵەوە.

2-مەشڵەژێ و خۆت تووشی دڵەڕاوکێ مەکە.

3-هەناسەی قوڵ هەڵبمژە و بیدەرەوە.

4-خۆدانە بەر خۆری بەیانیان لە 15 خولەک زیاتر نەبێ، خۆرەکە ڕاستەوخۆ لە پێستی پشت بدات باشترە.

5-شلەمەنی زۆر بخۆرەوە، شووتی و خەیار باشترین سەرچاوەی ئاو و شلەمەنین بۆ لەش.

6-ڕۆژانە هەڵم و بوخاری ئاوی لەکوڵ هەڵمژە ٥ خولەک زیاتر نەبێ.

7-غەرغەرەی خوێ دووجار لە ڕۆژێکدا.

8-پشوودانێکی تەواو.

9-وەرزش کردن بۆ ماوەی 30 بۆ 40 خولەک.

10-خەوتنت با لە 10 كاتژمێر کەمتر نەبێت.

بەکارهێنانی هەندێکی سەپلیمێنت و ڤیتامین بەم شێوەیە:

1- ڤیتامین سی 1 بۆ 4 گم ڕۆژانە

2-حەپی زینک 50 مگم ڕۆژانە

3-ڤیتامین دی 1000 یونت ڕۆژانە

4-پاراسیتامۆڵ حەپ 1گم ڕۆژانە 3 جار.

لە ئەگەری توند بوونی هەناسەت سەردانی نزیکترین بنکەی کۆرۆنای شارەکەت بکە.