سەنتەری شاری سلێمانی بێ ئاو دەبێت
.
K24 - سلێمانی
بۆری سەرەكی پڕۆژەی ئاوی سەرچنار شكاوە و بەو ھۆیەوە ماوەی چەند رۆژێك سەنتەری شاری سلێمانی بێ ئاو دەبێت.
بەڕێوەبەرایەتی ئاوی سلێمانی لە راگەیەندراوێكدا ئاشكرای كرد: "بەهۆی شکانی بۆری سەرەکی ئاو لەناو پڕۆژەی ئاوی سەرچنار بۆ ماوەی یەک هەفتە ئاوی خواردنەوە لە سەنتەری شاری سلێمانی نابێت".
ئاماژە بەوەشكراوە: "دابەشکردنی ئاو لە قەزا و ناحیەکانی چەمچەماڵ و شۆڕش و بازیان و تەکێ و گۆپاڵە بەردەوام دەبێت، لەگەڵ گەڕەکەکانی ناوچەی قڕگە و کوردسات و هەواری شار، بۆیە داوا لە هاووڵاتییان دەکەین دەست بە ئاوەوە بگرن و تیمەکانی بەڕێوبەرایەتیمان لەئێستادا سەرقاڵی کارکردنن بۆ ئەوەی لەماوەیەکی کەمدا ئاو بگەڕێتەوە بۆ هاووڵاتییان".
