سوودانی پیرۆزبایی جەژنی نەورۆز لە گەلی کورد دەکات
سەرۆک وەزیرانی عێراق بە بۆنەی هاتنی جەژنەی نەورۆز، لە پەیامێکدا دەڵێت: گەرمترین پیرۆزبایی ئاڕاستەی ڕۆڵەکانی گەلی عێراق بە گشتی و گەلی کوردمان بە تایبەتی دەکەین.
پێنجشەممە 20ـی ئاداری 2025، محەممەد شیاع سوودانی، سەرۆک وەزیرانی عێراق، بە بۆنەی هاتنی جەژنی نەورۆزەوە پەیامێکی پیرۆزبایی بڵاو کردەوە.
لە پەیامەکەی سوودانیدا هاتووە، بە بۆنەی جەژنی نەورۆزەوە، گەرمترین پیرۆزبایی ئاڕاستەی ڕۆڵەکانی گەلی عێراق بە گشتی و گەلی کوردمان بە تایبەتی دەکەین.
سوودانی دەڵێت: خوای گەورە ئەم جەژنە بە خێر و خۆشی بگێڕێت و بە هیوای بەردەوامبوونی ئاسایش و سەقامگیری لە عێراقدا.
گوتیشی: نەورۆز ڕۆژێکە کە پەیوەندی خۆشەویستی و چارەنووسێکی هاوبەش و مێژوویەکی گەورەمان بیردەخاتەوە.
نەورۆز لە کوردەواریدا جەژنێکی تایبەتە و مێژوویەکی کۆنی ھەیە. لە ھەموو شوێنەکانی کوردستاندا ئەم جەژنە بەڕێوە دەچێت. یەکێ لە خاڵە ھاوبەشەکان لە نێوان زۆربەی گەلاندا لەکاتی جەژنی نەورۆز ئاگرکردنەوەیە، یەکەمین نووسەری کورد کە بە کوردی باسی دابوونەریتی نەورۆزی کردبێت ئەحمەدی خانی بووە کە بە نەورۆزی گوتووە مەرسوومێ قەدیمێ کوردستانی یانی بۆنەی کۆنی کوردستانی.
Warmest wishes to all people of Iraq, and especially to the Kurdish people, on the occasion of Nowruz. May the Almighty bless us all with goodness as Iraq thrives in stability and security, moving toward a bright future through the efforts of its united people.
— محمد شياع السوداني (@mohamedshia) March 20, 2025
Nowruz is a day…