عێراق.. مردن به كۆرۆنا 8 ههزار كهسی تێپهڕاند
3 ههزار و 531 كهسی دیكه تووشی پهتاكه بوون و 3 ههزار و 422 تووشبووش چاك بوونهوه
K24- ههولێر:
وهزارهتی تهندروستی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، لهماوهی 24 كاتژمێری رابردوودا پشكنین بۆ 19 ههزار 353 كهس ئهنجامدراوه و تووشبوونی 3 ههزار و 531 كهسی دیكه به پهتاكه پشتڕاست كرایهوه.
وهك لهراگهیهندراوهكهدا هاتووه، لهماوهی شهو و رۆژێكدا 73 كهسیش بههۆی پهتاكه گیانیان لهدهستداوه.
هاوكات 3 ههزار و 422 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته 290 ههزار و 309 حاڵهت، لهو ژمارهیهش 8 ههزار و 14 كهس بههۆی ڤایرۆسهكهوه گیانیان لهدهستداوه و 224 ههزار و 705 كهسیش بهتهواوی چاك بوونهتهوه و 57 ههزار و 590 كهسیش له نهخۆشخانهكان لهژێر چاودێری پزیشكیدان، لهو ژمارهیهش 546 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.