عێراق و ئوردن گرێبەستێك واژۆ دەكەن
ئوردن ھەزار گێگاوات كارەبا بۆ عێراق دابیندەكات
K24 - ھەولێر
گرێبەستێكی تایبەت بە بەستنەوەی ھێڵی كارەبا لە نێوان عێراق و ئوردن واژۆ دەكرێت.
میدیاکانی ئوردن بڵاویانکردەوە، عێراق و ئوردن گرێبەستێكی تایبەت بە بەستنەوەی ھێڵی كارەبایان واژۆ كردووە، بەگوێرەی گرێبەستەكە، وەك قۆناغی یەكەمی پڕۆژەكە و لە دوای كۆتاییھاتنی ھێڵی بەستنەوەی نێوان ھەردوولا، ئوردن ساڵانە ھەزار گێگاوات كارەبا بۆ عێراق دابیندەكات، دواتر لە قۆناغی دووەمدا رێگە بە ھەردوولا دەدرێت توانای ئاڵوگۆڕی وزەی كارەبا بەرزبكەنەوە و كارەكانی ئەو پڕۆژەیە لە ماوەی 26 مانگدا تەواودەكرێت.
ئەوەش لە كاتێكدایە عێراق دووچاری بۆشاییەكی گەورە بووەتەوە لە بەرھەمھێنانی وزەی كارەبا، ئوردنیش وڵاتێكی ھاوردەكاری سەرچاوەی وزەیە و توانای بەرھەمھێنانی كارەبا و سەرجەم جۆرەكانی وزەی ھەیە. بەجۆرێك پەیمانگای داتا حكومییەكان دەریدەخەن، كۆی پسوولەی ھاوردەی ساڵانە سنووری 3 ملیار و 500 ملیۆن دۆلار تێدەپەڕێنبێت.