ئاوی سلێمانی رەنگی دەگۆڕێت
بەڕێوەبەرایەتی ئاوی سلێمانی داوایەك لە ھاووڵاتییان دەكات
K24 - سلێمانی
دوای چاکكردنی بۆری ئاوی دوکان- سلێمانی و دابەشکردنی ئاو لەو هێڵەوە رەنگی ئاوی چەند گەڕەكێكی سلێمانی گۆڕاوە و بەڕێوەبەرایەتی ئاوی سلێمانیش داوا لە ھاووڵاتییان دەكات ئەو ئاوە بەكار نەھێنن.
لە راگەیەندراوێكی بەڕێوەبەرایەتی ئاوی سلێمانی لەبارەی گۆڕانی رەنگی ئاوەكە دەڵێت: "هۆکارەکەی دەگەڕێتەوە بۆ ئەو خۆڵ و قوڕاوەی لە بۆریەکەدا بوو".
بەڕێوەبەرایەتی ئاوی سلێمانی، داواش دەكات: "لەو شوێنانەی کە رەنگی ئاویان گۆڕاوە بەکاری نەهێنن بۆ خواردنەوە تا رەنگی ئاو ئاسایی دەبێتەوە".