320 ملیارەکەی مووچەی فەرمانبەران گەیشتە ھەولێر
دابەشكردنی مووچە دەست پێدەكات
K24 – ھەولێر
ئەمڕۆ حكومەتی عێراق 320 ملیار دیناری مووچەی فەرمانبەرانی رەوانەی ھەولێر كرد.
فارس عیسا، سەرۆکی نوێنەرایەتی حکومەتی هەرێمی كوردستان لە بەغدا بە کوردستان24 راگەیاند: "حكومەتی عێراق 320 ملیار دینارەكەی مووچەی فەرمانبەرانی رەوانەی ھەرێمی كوردستان كرد و پارەكە گەشتە هەولێر".
بەگوێرەی زانیارییەكان وەزارەتی دارایی و ئابووری حكومەتی ھەرێمی كوردستان لە رۆژانی داھاتوو دەست بە دابەشكردنی مووچەی فەرمانبەران دەكات.
بەپێی رێككەوتنی نێوان ھەولێر و بەغدا، دەبێ مانگانە حكومەتی عێراق 320 ملیار دینار بۆ مووچەی فەرمانبەران رەوانەی ھەرێمی كوردستان بكات، بەڵام بەھۆی قەیرانی دارایی ناردنی ئەم بڕە پارەیە لەلایەن حكومەتی عێراق دواخراوە.