بانکی ناوەندی زیاتر لە 47 ملیار دۆلاری فرۆشتووە
ئەمڕۆ سێشەممە، 21ـی تشرینی یەکەمی 2025، بانکی ناوەندی عێراق فرۆشی دراوی بیانی لە حەوت مانگی ڕابردوو ئاشکرا کرد و ڕایگەیاند، زیاتر لە 47 ملیار دۆلاریان فرۆشتووە.
بانکی ناوندی عێراق ڕایگەیاندووە، فرۆشی دراوی ڕەق لە ماوەی حەوت مانگی ساڵی 2025، 47 ملیار دۆلار و 985 ملیۆن دۆلار بووە.
بانکی ناوەندی ئاماژەی بەوەشداوە، فرۆشی دراوی بیانی بەشێوەی حەواڵە 46 ملیار و 374 ملیۆن دۆلار بووە، هەروەها یەک ملیار و 611 ملیۆن دۆلاریش بەشێوەی کاش فرۆشتووە.
بانکی ناوەندی ئەوەشی ئاشکرا کرد، فرۆشی دراوی بیانی ئەمساڵ بە بەراورد بە هەمان ماوەی ساڵی ڕابردوو بە ڕێژەی 10.92% زیادیکردووە، کە پارساڵ 41 ملیار و 309 ملیۆن دۆلار بووە.
