هێمن هەورامی: کوردستان24 لە پتەوکردنی ئینتیمای لای تاکی کورد ڕۆڵی گرنگیی هەیە
هێمن هەورامی، ئەندامی مەكتەبی سیاسی و بەرپرسی ڕێكخستنی پارتی دیموكراتی كوردستان، بۆ یادی 10 ساڵەی دامەزراندنی کوردستان24 دەڵێت: کوردستان24 یەکێکە لە میدیا سەنگینەکان، لە ماوەی 10 ساڵدا توانیویەتی بە هاوسەنگیی کار بکات، خاڵێکی دیکەی گەشی کوردستان24 ئەوەیە لە پرۆسەی نەتەوەسازی و نیشتمانسازی و پتەوکردنی ئینتیمای لای تاکی کورد ڕۆڵی گرنگیی هەیە.
هێمن هەورامی دەشڵێت: خاڵێکی دیکەی گرنگیی کارکردنی کوردستان24 کارکردنە لەسەر حوکمڕانی باش.
هێمن هەورامی بەبۆنەی 10 ساڵەی دامەزراندنی، پیرۆزبایی لە تەواوی کارمەندانی کوردستان24 کرد و گوتی: لە ماوەی 10 ساڵدا هەوڵیان نەداوە ببینە ڕاگەیاندنێکی پۆپۆلیستی لەپێناو کۆکردنەوەی بینەر، مامەڵە بە هاوسەنگی و ڕاستگۆیی خۆیان بکەن، ئەمە یەک لە خاڵە گەشەکانی کەناڵەکەیە.
گوتیشی: خاڵێکی دیکەی گرنگی کوردستان24 ئەوەیە، لە ماوەی 10 ساڵی ڕابردوودا لە پرۆسەی نیشتمانسازی و نەتەوەسازی، هەروەها لە بەهێزکردنی ئینتمای نیشتمانیی نەتەوەیی لای تاکی کوردستانی بەوەی کە لەژێر چەتری شوناسێکی نیشتمانی، هەواڵێکی سەنگین بە بینەری کورد بگەیەنێت.
10 ساڵ بەسەر دامەزراندنی کوردستان24 دا تێپەڕ دەبێت، بە تێڕوانینی شارەزایانی بواری میدیا، کوردستان24 بە تێڕوانینێکی نیشتمانیانە هەوڵیداوە هەواڵ و زانیاری ڕاست و دروست بە وەرگرانی بدات.
دامەزراوەی كوردستان24 بۆ توێژینه‌وه و ڕاگه‌یاندن، نێوەندێكی میدیاییە، بێلایەنانە و پیشەییانە، بەرهەمێكی پوختی میدیایی بە شێوەیەكی پرۆفیشناڵانە پێشكەشى بینه‌ر و بیسه‌ر و خوێنه‌رانی دەكات.
کوردستان24، زانیاریی ڕاست و دروست بۆ وەرگرانی كوردزمان لە كوردستان و ناوچەكە و تەواوی جیهان لە ڕێگەی تۆڕێکی میدیایی ڕێکخراو: ڕادیۆ، تەلەڤزیۆن، وێبسایت بە زمانەكانی (كوردی- ھەردوو شێوەزاری "کرمانجی، سۆرانی" و ئینگلیزی، عەرەبی، توركی و فارسی) دەگوازێتەوە.
