مارک ساڤایا: عێراق و تورکیا لەسەر بەڕێوەبردنی ئاو ڕێککەوتن
نێردەی تایبەتی سەرۆکی ئەمەریکا لە عێراق ڕێککەوتنی ئاوی لە نێوان تورکیا و عێراقی ڕاگەیاند و ئاماژەی بەوەش دەکات، ئەم ڕێککەوتنە بۆ بژێوی ژیانی ملیۆنان کەس زۆر گرنگە کە بەهۆی وشکەساڵی و کەمئاوییەوە دەیانناڵاند.
دووشەممە 3ـی تشرینی دووەمی 2025، مارک ساڤایا، نێردەی تایبەتی سەرۆکی ئەمەریکا لە عێراق لە ڕاگەیەندراوێکدا کە بۆ کوردستان24 نێردراوە تێیدا ئاماژەی داوە، پیرۆزە لە هەر دوو نەتەوە: کۆماری عێراق و کۆماری تورکیا
هەروەها ئاماژەشی داوە، دەستخۆشی لە حکوومەتی عێراق دەکەم و ئەو ڕێککەوتنە بەرز دەنرخێنم کە لە نێوان کۆماری عێراق و کۆماری تورکیادا کراوە بۆ چارەسەرکردنی کێشە بەردەوامەکانی بەڕێوەبردنی ئاو لە نێوان هەر دوو وڵاتدا.
مارک ساڤایا دەشڵێت: ئەم ڕێککەوتنە هەنگاوێکی بەرچاوە بۆ بەرزکردنەوەی هاوکارییەکانی ناوچەکە و دەستەبەرکردنی دەستڕاگەیشتنێکی بەردەوام بە سەرچاوە ئاوییە گرنگەکان، کە گرنگن بۆ بژێوی ژیانی ملیۆنان عێراقی کە بەهۆی وشکەساڵی و کەمی ئاوەوە زیانیان بەرکەوتووە.
لە ڕاگەیەندراوەکەدا هاتووە، ئەمەریکا پابەندبوونی بەهێزی خۆی بۆ پاڵپشتیکردنی عێراق و گەلەکەی دووپاتدەکاتەوە لە پێناو سەقامگیری زیاتر و خۆشگوزەرانی و ژینگەیەکی بەردەوامدا.
