ئەنجامی بەرایی نافەرمی دەنگدانی تایبەت لە هەر سێ بازنەی هەولێر، دهۆک و سلێمانی

کوردستان24 ئەنجامەکانی بەرایی نافەرمی بەشێک لە دەنگدانی تایبەتی هەڵبژاردنی خولی شەشەمی پەرلەمانی عێراق لە هەرسێ بازنە هەولێر، دهۆک و سلێمانی بڵاو دەکاتەوە.

بازنەی هەولێر

پارتی: 46،041

یەکێتی: 8،900

نەوەی نوێ: 1،348

یەکگرتوو: 943

بەرەی گەل: 238

ڕەوتی هەڵوێست: 2،260

بازنەی دهۆک

پارتی: 38،925

یەکێتی: 834

نەوەی نوێ: 443

یەکگرتوو: 1،960

بەرەی گەل: 32

ڕەوتی هەڵوێست: 540

بازنەی سلێمانی

پارتی: 5،011

یەکێتی: 60،905

نەوەی نوێ: 2،742

یەکگرتوو: 1،509

بەرەی گەل: 825

ڕەوتی هەڵوێست: 4،993

یەکشەممە 9ـی تشرینی دووەمی 2025، دادوەر عومەر ئەحمەد سەرۆکی کۆمیسیۆنی باڵای سەربەخۆی هەڵبژاردنەکانی عێراق لە کۆنفرانسێکی ڕۆژنامەوانیدا لە بەغدا لە بارەی دەنگدانی تایبەت ڕایگەیاند، ئەمڕۆ پرۆسەی هەڵبژاردن و دەنگدانی تایبەت بەشێوەیەکی زۆر ئارام بەڕێوەچووە 4،571 بنکەی دەنگدانی تایبەت دانرابوون.

گوتیشی: لە کۆی یەک ملیۆن و 313 هەزار کەس مافیان هەبوو لە دەنگدانی تایبەت یەک ملیۆن و 214 هەزار کەس بەشداریان لە پرۆسەکەدا کردووە، کە ڕێژەی بەشداریکردن 82,42% بووە.

هەروەها نەبەرد عومەر، بەرپرسی هەڵبژاردنەکانی کۆمیسیۆنی باڵای سەربەخۆی هەڵبژاردنەکانی عێراق لە هەرێمی کوردستان ڕایگەیاند: هەڵبژاردنی دەنگدانی تایبەت بەشێوەیەکی زۆر باش و سەردەمییانە بەڕێوەچوو و ڕێژەی بەشداریکردن لە هەرێمی کوردستان 98%بووە.

کاتژمێر 07:00ـی بەیانیی ئەمڕۆ یەکشەممە، پرۆسەی دەنگدانی تایبەت بۆ هەڵبژاردنی پەرلەمان، لە پارێزگاکانی عێراق و هەرێمی کوردستان دەستیپێکرد و کاتژمێر 18:00 پرۆسەکە کۆتاییهات و ئامێرەکانی دەنگدان لە کار کەوتن.