کەشناسی: تەمومژی ئێستای هەولێر تاوەکوو سبەی بەردەوام دەبێت
بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان ئاماژە بەوە دەکات، ئەو تەمومژەی ئێستا سەنتەری پارێزگای هەولێری گرتۆتەوە تاوەکوو سبەی بەیانی کاتژمێر 10 بەردەوامی دەبێت.
ئەمڕۆ دووشەممە، 15ـی کانوونی یەکەمی 2025، بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان، بڵاویکردەوە، سەبارەت بەو تەمومژەی ئێستا سەنتەری پارێزگای هەولێری گرتۆتەوە تاوەکوو سبەی بەیانی کاتژمێر 10 بەردەوامی دەبێت.
هەروەها ئاماژە بەوە دراوە، ئەمشەو کاریگەریەکەی زیاد دەبێت و بەگشتیی مەودای بینین کەم دەبێتەوە بۆ کیلۆمەترێک لە هەندێ شوێن کەمتردەبێتەوە بۆ کەمتر لە 100 مەتر بەڕێوەبەرایەتیی گشتیی کەشناسی باسی لەوە کردووە، مەودای بینینی ئێستا لە سەنتەری پارێزگای هەولێر 100مەترە و هەروەها سەنتەری پارێزگای دهۆک حەوت کیلۆمەترە و شارەدێی شەمامک 100 مەترە.
