سەرۆک بارزانی سەرەخۆشی لە شێخ مادح شێخ عوسمان نەقشبەندی دەکات

سەرۆک بارزانی، بەهۆی کۆچی دوایی شیرین خانی کچی جەنابی شێخ عەلائەدینی نەقشبەندی سەرەخۆشی لە شێخ مادح شێخ عوسمان نەقشبەندی و خانەوادە و تەریقەتی نەقشبەندی دەکات

سێشەممە 16ـی کانوونی یەکەمی 2025، بارەگای بارزانی ڕاگەیەندراوێکی بڵاو کردووەتەوە و تێیدا ئاماژەی داوە، بە داخێکی زۆرەوە هەواڵی کۆچی دوایی شیرین خانی کچی جەنابی شێخ عەلائەدینی نەقشبەندی و خوشکی جەنابی شێخ عوسمان نەقشبەندیمان پێ گەییشت.

ڕاشیگەیاندووە، پرسە و سەرەخۆشیی خۆمان ئاراستەی دکتۆر شێخ مادح شێخ عوسمان نەقشبەندی و خانەوادە و تەریقەتی نەقشبەندی تەواوی موریدان و مەنسوبانی تەریقەتی نەقشبەندی لە کوردستان و هەموو جیهان دەکەم و خۆم بە هاوبەشی خەمتان دەزانم.

لە ڕاگەیەندراوەکەدا هاتووە، لە خودای گەورە داواکارە ڕۆحی خودالێخۆشبوو بە بەهەشتی بەرین شاد بکات و سەبر و ئارامی بە هەموو لایەک ببەخشێت.