هەرێم کەمال ئاغا: پێویستە لایەنە کوردییەکان لە بەغدا یەک هەڵوێستبن
هەرێم کەمال ئاغا ئاماژە بەوە دەکات، پێویستە لە حکوومەتی نوێی عێراق پرسی بودجە و مووچەی فەرمانبەرانی هەرێمی کوردستان بەیەکجاری بنبڕ بکرێت.
سێشەممە، 30ـی کانوونی یەکەمی 2025، هەرێم کەمال ئاغا، ئەندامی ئەنجوومەنی نوێنەرانی عێراق بە کوردستان24ـی ڕاگەیاند: بە کۆدەنگی لایەنە سیاسییە کوردییەکان توانرا، فەرهاد ئەترووشی کە پشکی کورد بوو بۆ ئەو پۆستە هەڵبژێردرێت و ببێتە جێگری دووەمی سەرۆکی پەرلەمانی عێراق.
هەرێم کەمال ئاغا گوتی: بۆ پێکهێنانی حکوومەتی نوێی عێراق گفتوگۆ لە نێوان لایەنە سیاسییەکان بەردەوامە، بەڵام تاوەکوو ئێستا هیچ ئەنجامێکی نەبووە و هیوادارین لە داهاتوو ئەنجامی باشی هەبێت، پێویستە لە حکوومەتی داهاتووی عێراق بەرنامە و داخوازییەکانی کوردی تێدابێت.
هەروەها ئاماژەی بەوە دا، پێویستە پرسی مووچە و بودجەی فەرمانبەران و مووچەخۆرانی هەرێمی کوردستان بەیەکجاری بنبڕ بکرێت.
