ئەمڕۆ 41 کەس خۆیان بۆ پۆستی سەرۆک کۆمار کاندید کرد

ئەمڕۆ تا کۆتایی دەوام، 41 کەس فۆڕمی خۆکاندیدکردنیان بۆ پۆستی سەرۆک کۆماری عێراق پڕکردەوە، پێشبینیش دەکرێت سبەی کە کۆتا ڕۆژە ژمارەکە بەرز ببێتەوە.

یەکشەممە، 4ـی کانوونی دووەمی 2026، سەرچاوەیەک لە پەرلەمانی عیراق بە کوردستان24ـی ڕاگەیاند: ئەمڕۆ تاوەکوو کۆتایی دەوام، 41 کەس فۆڕمی خۆکاندیدکردنیان بۆ پۆستی سەرۆک کۆمار پڕکردەوە و پێشبینی دەکرێت سبەینێ کە کۆتا ڕۆژی پڕکردنەوەی فۆڕمەکەیە، ژمارەکە بەرزتر ببێتەوە. 

ئەو سەرچاوەیە گوتیشی: لەو 41 کاندیدە؛ کورد، عەرەب، کریستیان و کەسانی سەربەخۆشی تێدایە.

ناوی 41 کاندیدەکەی پۆستی سەرۆک کۆماری عێراق

-د. عەبدوڵڵا محەممەد عەلی عەلیاوەیی

-شوان حەوێز فەریق نامیق داودی

-شیلان فوئاد عەبدولـلەتیف عەبدولڕەحمان

-شێرزاد بابان مەجید سولەیمان

-ئەحمەد عەبدوڵڵا تۆفیق ئەحمەد

-محەممەد مەهدی جامل وائیلی

-نەبەز محەممەد عەلی ئەحمەد

-حوسێن تەها حەسەن سنجاری

-جوان محەممەد فوئاد مەعسووم

-نەجمەفدین عەبدولکەریم حەمەکەریم

-ئەمیرە جەعفەر جابر عەبوودی

-عەممار عادل عەونی شەممەری

-ئاسۆ فەرەیدوون عەلی

-حەمزە بورەیسەم سەجیل موسحەب

-ڕەشید مەهدی عەبوود سەعدی

-دڵشاد محەممەد عەبدولڕەحمان

-خالید سدیق عەزیز محەممەد

-ئەحمەد خەمیس خەلیل جەنابی

-سامان عەلی ئیسماعیل مەحموود شاڵی

-خالید مستەفا حوسێن شەریف

-فەیسەڵ موحسین عەبوود کیلابی

-ئەنوەر حەمەد ئەمین ئەحمەد

-کافی دەنو بەتی قەس یونان

-محەممەد سابر سولەیمان عەزیز سولەیمان هەمەوەندی

-ئومێد عەبدولسەلام قادر

-سیروان ئەحمەد ڕەشید کوێخا عەزیز

-ئەحمەد ساجت هاشم حەسەن

-ئەحمەد خەلیل خزر خەلیل

-سالم حەواس عەلی ساعدی

-عەلی جاسم ئەحمەد بەیاتی

-یوسف محەممەد ڕەوشەن سەڵاحەددین

-نەبیل سولەیمان عەبدولمەجید عوبێد کوبەیسی

-لەیس داخل سەلوومی نەشمی عەبوودی

-عەلی عەباس جاسم عەلی سوڵتانی

-عەبدولجەلیل حەمەد مەجید فەهداوی

-سوهێل مەحموود جاسم ڕەبیع

-سالار ڕەحیم کەریم جاف

-سادق عەبدوڵڵا خزر غەبن مەحیاوی

-ڕەعد خزر دەفاک سایل جەنابی

-سەباح ساڵح سەعید

-ڕافع عەبدوڵڵا حەمید دووری

ئەمەش لە کاتێکدایە سێشەممە، 30ـی کانوونی یەکەمی 2025، هەیبەت حەلبووسی، سەرۆکی هەڵبژێردراوی پەرلەمانی عێراق، وەک یەکەم هەنگاوی دەستووری دوای دەستبەکاربوونی، بە فەرمی دەرگای خۆپاڵاوتنی بۆ پۆستی سەرۆک کۆماری عێراق کردەوە، کە ئەمەش قۆناغێکی گرنگە بۆ تەواوکردنی دامەزراوە باڵاکانی دەوڵەت.

شەممە، 3ـی کانوونی دووەمی 2026، سەرۆکایەتیی پەرلەمانی عێراق لە ڕاگەیەنراوێکی فەرمیدا، وادەی کۆتایی بۆ وەرگرتنی داواکاریی ئەو کەسانە دیاریی کردبوو کە ئارەزووی خۆپاڵاوتنیان هەیە بۆ پۆستی سەرۆک کۆمار.

بە پێی ڕاگەیەنراوەکەی سەرۆکایەتیی پەرلەمانی عێراق، ڕۆژی دووشەممەی داهاتوو، 5ـی کانوونی دووەمی 2026، دیاریی کراوە وەک دوا وادە بۆ پێشکەشکردنی داواکاریی پاڵێوراوان.

سەرۆکایەتییەکە جەختی لەوە کردبووەوە، کە وەرگرتنی مامەڵە و داواکارییەکان تەنیا تا کۆتاییهاتنی دەوامی فەرمی ئەو ڕۆژە بەردەوام دەبێت و دوای ئەو وادەیە دەرگای خۆپاڵاوتن بە فەرمی دادەخرێت.