حکوومەتی عێراق بڕیارێک لەبارەی هەرێمی کوردستان هەڵدەوەشێنێتەوە

دەستەی فڕۆکەوانی مەدەنی عێراقی نووسراوی قەدەخەکردنی هاوردەکردنی زێڕ و ئامێری ئەلیکترۆنی لە فڕۆکەخانەکانی هەولێر و سلێمانی هەڵوەشاندەوە.

بە گوێرەی بەدواداچوونێکی کوردستان24، دەستەی فڕۆکەوانی مەدەنی عێراقی نووسراوی قەدەخەکردنی هاوردەی زێر و ئامێری ئەلیکترۆنی لە فڕۆکەخانەکانی هەولێر و سلێمانی هەڵوەشاندەوە.

هەر بە گوێرەی زانیارییەکان نووسراوەکە پێشتر دەستەی فڕۆکەوانی مەدەنی عێراقی ئاراستەی کۆمپانیاکانی فڕۆکەوانی کردبوو ئێستا هەڵوەشاوەتەوە و بە فڕۆکەخانەکانی هەولێر و سلێمانی گەیشتووە و کاری پێ دەکرێت.

پێشتر دەستەی فڕۆکەوانی مەدەنی عێراقی لە نووسراوێکدا داوای کردنەوەی نووسینگەی پشکنینی ناوەندی بۆ پێوانە و کۆنتڕۆڵی جۆری فیدراڵی هاوشێوەی فڕۆکەخانەکانی دیکەی عێراق، لە فڕۆکەخانەی نێودەوڵەتی هەولێر و سلێمانی دابندرێت و بە پێچەوانەوە هاوردەکردنی زێڕ و ئامێرە ئەلیکترۆنییەکان لەو دوو فڕۆکەخانەیە قەدەخە بکرێت.