مەسرور بارزانی و تۆم بەڕاک دۆخی هەرێمی کوردستان و ناوچەکە تاوتوێ دەکەن

سەرۆکی حکوومەتی هەرێمی کوردستان و  نێردەی تایەبەتیی سەرۆکی ئەمریکا بۆ سووریا، لە پەیوەندییەکی تەلەفۆنیدا دۆخی گشتیی هەرێمی کوردستان، عێراق و ناوچەکەیان تاوتوێ کرد و، هەردوولا هێرشەکانی سەر کوردستان و باڵیۆزخانەی ئەمریکایان شەرمەزار کرد.

ئێوارەی ئەمڕۆ شەممە، 14ـی ئاداری 2026، مەسرور بارزانی، سەرۆکی حکوومەتی هەرێمی کوردستان، پەیوەندییەکی تەلەفۆنی لە تۆم بەڕاک، نێردەی تایبەتی دۆناڵد ترەمپ بۆ سووریا و باڵیۆزی ئەمریکا لە تورکیا پێگەیشت.

ماڵپەڕی حکوومەتی هەرێمی کوردستان لە راگەیەنراوێکدا ئاماژەی بەوە دا، لە پەیوەندییە تەلەفۆنییەکەدا دۆخی گشتیی هەرێمی کوردستان، عێراق و ناوچەکە تاوتوێ کرا.

بە پێی راگەیەنراوەکە، هەردوولا هێرشەکانی سەر هەرێمی کوردستان و باڵیۆزخانەی ئەمریکایان لە بەغدا، سەرکۆنە و شەرمەزار کرد. هاوکات جەختیان لەوە کردەوە کە پێویستە لە پەیوەندیی بەردەوامدا بن.

I spoke with @USAMBTurkiye Tom Barrack and we condemned the attacks on the Kurdistan Region and the U.S. Embassy in Baghdad.

We also discussed the situation in the Kurdistan Region, Iraq, and the wider region.

— Masrour Barzani (@masrourbarzani) March 14, 2026