سەرۆک بارزانی داوای کۆبوونەوە لە هەر دوو حکوومەتی فیدراڵ و هەرێم دەکات
سەرۆک بارزانی داوا لە هەر دوو حکوومەتی فیدراڵ و هەرێم دەکات کۆببنەوە و بۆ ئەوەی کێشەکان چارەسەر بکەن، دەشڵێت: بۆچوونی جیاوازی سیاسیی لایەنەکان پەرەی سەندووە.
دووشەممە 16ـی ئاداری 2026، سەرۆک بارزانی راگەیەندراوێکی بڵاو کردووەتەوە و تێیدا ئاماژەی داوە، لەو کاتەیدا کە شەڕ و ئاڵۆزییەکی زۆر لە ناوچەکەماندا هەیە، عێراق لەژێر هەڕەشەی قەیرانی جۆراوجۆر دایە و جیاوازی لە بۆچوونی سیاسیی لایەنەکانیش پەرەی سەندووە.
داوا لە حکوومەتی عێراقی فیدراڵ و حکوومەتی هەرێمی کوردستان دەکەم پێکەوە کۆببنەوە بۆ ئەوەی چارەسەری کێشە و گرفتەکان بکەن و بگەنە رێکەوتن و رێگەش لەو خەڵکە هەلپەرستە بگیرێت کە بەنیازن قەیران و کێشەکان قووڵتر بکەنەوە.