کەشناسیی هەرێم: شەپۆلێکی بارانبارین و هەورەبرووسکە ناوچەکە دەگرێتەوە
بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان رایگەیاند، لە ئەمڕۆوە شەپۆلێکی بارانبارین و ناسەقامگیری روو لە ناوچە جیاجیاکان دەکات و پلەکانی گەرما روو لە دابەزین دەکەن.
بەگوێرەی پێشبینییەکانی کەشناسی، ئەمڕۆ سێشەممە 7ی نیسانی 2026، کەشوهەوا بە گشتی باراناوی دەبێت و ناسەقامگیری بەردەوامی دەبێت. سەرەتا لە ناوچە شاخاوییەکان، ناوچە سنوورییەکان، ئیدارەی زاخۆ و بەشێک لە سنووری پارێزگای دهۆک لە کاتەکانی پێشنیوەڕۆوە بارانبارین دەستپێدەکات. شێوازی دابارینەکە مامناوەند و لێزمەبارانی پچڕپچڕ دەبێت و هەندێکجار هەورەبرووسکەی لەگەڵ دەبێت.
دواتر کاریگەریی ئەم ناسەقامگیرییە بۆ بەشەکانی ناوەڕاست و باشووری رۆژهەڵاتی هەرێمی کوردستان پەرەدەستێنێت، کە سنووری پارێزگای هەولێر بە گشتی، ئیدارەی راپەڕین، پارێزگای سلێمانی، دەشتی شارەزوور، پارێزگای کەرکووک و ئیدارەی گەرمیان دەگرێتەوە. هەروەها لەو ناوچانەی بەرزییان لە 900 مەتر زیاترە لە ئاستی رووی دەریا، ئەگەری تەرزەبارین هەیە و کەشی باراناوی تاوەکو درەنگانی شەو بەردەوام دەبێت.
کەشی پێشبینیکراوی سبەی چوارشەممە 8ی نیسانی 2026:
بۆ سبەی چوارشەممە، ئاسمان نیمچە هەور دەبێت و لە ناوچە شاخاوییەکان رێژەی هەورەکان زیاتر دەبن. پێشبینی دەکرێت لە دوای نیوەڕۆوە نمەبارانی کەم لە سەنتەری پارێزگاکان ببارێت. بارانی سبەی بە شێوەی بارانی بەهاری و گەواڵەباران دەبێت؛ لە هەندێک ناوچە کەشەکە جێگیر دەبێت و لە هەندێک ناوچەی دیکە ئەگەری لێزمەباران و هەورەبرووسکە هەیە.
پلەکانی گەرمای پێشبینیکراو بۆ ئەمڕۆ سێشەممە:
هەولێر: 17 پلەی سیلیزی
پیرمام: 14 پلەی سیلیزی
سۆران: 16 پلەی سیلیزی
حاجی ئۆمەران: 8 پلەی سیلیزی
سلێمانی: 16 پلەی سیلیزی
چەمچەماڵ: 17 پلەی سیلیزی
دهۆک: 17 پلەی سیلیزی
زاخۆ: 17 پلەی سیلیزی
هەڵەبجە: 17 پلەی سیلیزی
گەرمیان: 19 پلەی سیلیزی
پلەکانی گەرمای پێشبینیکراو بۆ سبەی چوارشەممە:
هەولێر: 19 پلەی سیلیزی
پیرمام: 16 پلەی سیلیزی
سۆران: 17 پلەی سیلیزی
حاجی ئۆمەران: 10 پلەی سیلیزی
سلێمانی: 18 پلەی سیلیزی
چەمچەماڵ: 19 پلەی سیلیزی
دهۆک: 18 پلەی سیلیزی
زاخۆ: 18 پلەی سیلیزی
هەڵەبجە: 19 پلەی سیلیزی
گەرمیان: 19 پلەی سیلیزی
زانیارییەکانی با و مەودای بینین:
خێرایی با بۆ ئەمڕۆ لە نێوان 15 بۆ 25 کیلۆمەتر دەبێت لە کاتژمێرێکدا، بەڵام لە سنووری سلێمانی و هەڵەبجە خێراییەکەی بۆ سەرووی 25 کیلۆمەتر بەرز دەبێتەوە. مەودای بینین لە نێوان 7 بۆ 10 کیلۆمەتردا دەبێت.