دهۆك گرێبەستی 3 یاریزانی هەڵوەشاندەوە
بەشێكی مووچەی یاریزانەكان بەهۆی ئەنجامە خراپەكان دەبڕدرێت
یانەی دهۆك بەهۆی ئەنجامە خراپەكانی لە خولی ئەستێرەكانی عێراق، گرێبەستی 3 یاریزانی یانەكەی هەڵوەشاندەوە و بەشێكی مووچەی یاریزانەكانیشی دەبڕێت.
بەگوێرەی زانیارییەكانی كوردستان24، دوای ئەوەی دهۆك لە یاریی رابردوو بەرامبەر ئەمانەی بەغدا دۆڕا گرێبەستی هەر سێ یاریزانی یانەكە (محەمەد داود، عەلا عەباس و مونتەزر محەمەد ناسراو بە كەنووش هەڵوەشێندرایەوە و سزای بڕینی مووچە و داراییشی بەسەر یاریزانەكاندا سەپاند.
دهۆك ئەم وەرزە 3 راهێنەری گۆڕیوە و لە دوایین 4 یاری 2 دۆڕان و بردنەوەیەكی هەیە، بەگشتی هەڵۆیەكانی بادینان لەم وەرزەی خولی ئەستێرەكانی عێراق لە كۆی 28 یاری، 10 بردنەوە و 11 شكستی هەیە و بە كۆكردنەوەی 37 خاڵ لە خانەی دوازدەیەمی ریزبەندی دێت.
