لە چوارچێوەی بەڕێوەچوونی 56ـەمین کۆڕبەندی ئابووریی جیهانی لە شاری داڤۆسی سویسرا، ئەمڕۆ چوارشەممە، 21ـی کانوونی دووەمی 2026، دوو پانێلی دیکە لە "ماڵی کوردستان" بەڕێوەدەچن. 

پێش بەڕێککەوتنی بۆ داڤۆس دۆناڵد ترەمپ، سەرۆکی ویلایەتە یەکگرتووەکانی ئەمریکا، جارێکی دیکە خواستی وڵاتەکەی بۆ کڕینی دوورگەی گرینلاند دووپاتکردەوە و ڕایگەیاند، ئەگەر وڵاتانی ئەوروپا بەردەوام بن لە ڕێگریکردن لەم پرۆسەیە، واشنتن لە سەرەتای مانگی شوباتەوە باجی سزایی بەسەریاندا دەسەپێنێت؛ جەختیشی کردەوە؛ بەهۆی گرنگییە ستراتیژی و ئەمنییەکەیەوە، لە هەوڵی دۆزینەوەی چارەسەرێکی گونجاو دایە لەگەڵ هاوپەیمانەکانی لە ناتۆ.

سەرۆکی دەستەی وەبەرهێنانی هەرێمی کوردستان لە داڤۆسەوە ئاشکرای دەکات، مەسرور بارزانی  سەرۆکوەزیرانی هەرێمی کوردستان، لە سەرجەم کۆبوونەوەکانی لەگەڵ سەرکردەکانی جیهان  تاوتوێی مەترسییەکانی سەر ڕۆژئاڤای کوردستانی کردووە و جەختی لە پاراستنی مافەکانی گەلی کورد کردووەتەوە، دڵنیاییش دەدات کە بەهۆی ئەو ڕێزە تایبەتەی ناوەندە نێودەوڵەتییەکان بۆ سەرۆکوەزیران و پەیامەکانی سەرۆک بارزانی هەیانە، ئەو گفتوگۆیانە کاریگەری و ئەنجامی ئەرێنییان بۆ داهاتووی ڕۆژئاڤا دەبێت.

مەسرور بارزانی سەرۆکی حکوومەتی هەرێمی کوردستان لە داڤۆس، لەگەڵ بەرهەم ساڵح کۆمسیاری باڵای نەتەوە یەکگرتووەکان بۆ کاروباری پەنابەران UNHCR کۆبووەوە. لە کۆبوونەوەکەدا، دۆخی گشتیی پەنابەران لە هەرێمی کوردستان و عێراق و ناوچەکە تاوتوێ کرا و باس لە پێکدادان و ڕووبەڕوونەوە سەربازییەکانی سووریا و کاریگەرییە نەرێنییەکانی لەسەر دۆخی پەنابەران و هەڕەشە و مەترسییەکانی تیرۆریستییەکانی داعش کرا

لەگەڵ کریستیان شتۆکەر ڕاوێژکاری کۆماری ئۆستریا، دۆخی گشتیی عێراق و ناوچەکەمان تاوتوێ کرد و جەختمان لە بەهێزکردنی پەیوەندیی دوولایەنە کردەوە.

هاوڕابووین لەسەر پەرەپێدانی هاوئاهەنگیی نێوان هەرێمی کوردستان و وڵاتانی یەکێتیی ئەوروپا بۆ ڕووبەڕوونەوەی هەڕەشەکانی تیرۆریستانی داعش.

— Masrour Barzani (@masrourbarzani) January 20, 2026

ئەمڕۆ سێشەممە 20ی کانوونی دووەمی 2026، مەسرور بارزانی سەرۆکی حکوومەتی هەرێمی کوردستان لە داڤۆس، لەگەڵ کریستیان ستۆکەر ڕاوێژکاری کۆماری ( نەمسا) کۆبووەوە.  هاوڕابوون لەسەر پەرەپێدانی هاریکاریی و هاوئاهەنگیی نێوان هەرێمی کوردستان و وڵاتانی یەکێتیی ئەوروپا بۆ ڕووبەڕوونەوەی هەڕەشە و مەترسییەکانی تیرۆریستانی داعش.

 مەسرور بارزانی، سەرۆکی حکوومەتی هەرێمی کوردستان، لە داڤۆس، لەگەڵ ماکسیم پرێڤۆ، جێگری سەرۆک وەزیران و وەزیری دەرەوەی بەلجیکا کۆبووەوە.

هەردوولا جەختیان لە پتەوکردنی پەیوەندییەکانی هەرێمی کوردستان و بەلجیکا کردەوە، بە تایبەتی پەرەپێدانی وەبەرهێنان و بازرگانی.

دۆخی گشتیی عێراق و ناوچەکە و ڕووبەڕووبوونەوەی هەڕەشەکانی تیرۆریستانی داعش، بەشێکی دیکەی گفتوگۆکان بوو.

ئیمانوێل ماکرۆن، سەرۆکی فەرەنسا، لە کۆڕبەندی داڤۆس پەیامێکی ئاراستەی ئەمریکا کرد. ماکرۆن بە ڕاشکاوی واشنتنی تۆمەتبار کرد بەوەی لەڕێگەی جەنگی بازرگانی و سەپاندنی باجی زۆرەوە، پیلانی لاوازکردن و ملکەچپێکردنی ئەورووپا دەگێڕێت، جەختیشی کردەوە کە کیشوەرەکەیان بە هیچ شێوەیەک قبووڵی ناکات ببێتە پاشکۆی ئەمریکا.

لە بەرانبەر ئەم سیاسەتەی ئەمریکادا، ماکرۆن دەرگای بۆ چین کردەوە، بەڵام بە مەرج؛ داوای کرد چین تەکنۆلۆژیا و سەرمایە بگوازێتەوە بۆ ناو ئەورووپا و بەشداری لە گەشەی ئابووریدا بکات، نەک تەنیا بازاڕەکان پڕ بکات لە کاڵای هەناردەکراو.

سەرۆکی فەرەنسا کۆتایی بە قسەکانی هێنا بەوەی کە ئێستا کاتی ئیمپریالیزم و کۆڵۆنیالیزمی نوێ نییە، بەڵکوو کاتی هاریکارییە بۆ ڕزگارکردنی جیهان لەو هەموو شەڕ و ئاڵۆزییەی تێی کەوتووە.

مەسرور بارزانی، سەرۆکی حکوومەتی هەرێمی کوردستان و جاسم محەممەد، ئەلبدێوی ئەمینداری گشتیی نوێی ئەنجوومەنی ھاریکاری وڵاتانی کەنداو، لە داڤۆس جەختیان لە بەهێزترکردنی پەیوەندییەکانی هەرێمی کوردستان و وڵاتانی کەنداو کردەوە.

هەروەها سەرۆکی حکوومەت "نیگەرانیی قووڵی خۆی لە پەرەسەندنی گرژی و شەڕ دەربڕی و جەختی لە پاراستنی ئاشتی و سەقامگیری و ڕێزگرتن لە مافەکانی گەلی کورد و گشت پێکهاتەکانی سووریا کردەوە."

ئەمڕۆ سێشەممە، 20ـی کانوونی دووەمی 2026، مەسرور بارزانی، سەرۆکی حکوومەتی هەرێمی کوردستان، لە داڤۆس، پێشوازی لە جاسم محەممەد، ئەلبدێوی ئەمینداری گشتیی نوێی ئەنجوومەنی ھاریکاری وڵاتانی کەنداو کرد.

حکوومەتی هەرێمی کوردستان لە راگەیەنراوێکدا ئاماژەی بەوە داوە "لە دیدارەکەدا بیروڕا لەبارەی دۆخی گشتیی عێراق و هەوڵ و گفتوگۆی لایەنەکان بۆ پێکهێنانی کابینەی نوێ ئاڵوگۆڕ کرا. هەردوولا هاوڕابوون لەسەر بەهێزترکردنی پەیوەندییەکانی هەرێمی کوردستان و وڵاتانی کەنداو".

شەڕ و پێکدادانەکانی سووریا، تەوەرێکی دیکەى دیدارەکە بوو. سەرۆکی حکوومەت "نیگەرانیی قووڵی خۆی لە پەرەسەندنی گرژی و شەڕ دەربڕی و جەختی لە پاراستنی ئاشتی و سەقامگیری و ڕێزگرتن لە مافەکانی گەلی کورد و گشت پێکهاتەکانی سووریا کردەوە."

ئەمڕۆ سێشەممە، 20ـی کانوونی دووەمی 2026، مەسرور بارزانی، سەرۆکی حکوومەتی هەرێمی کوردستان، لە داڤۆس، لەگەڵ ڤاهاگن خاچاتوریان، سەرۆککۆماری ئەرمەنستان کۆبووەوە.

 لە کۆبوونەوەکەدا سەرۆکی ئەرمەنستان، سەرۆکوەزیران مەسرور بارزانی بانگهێشتی یەریڤان کرد.