دۆناڵد ترەمپ، سەرۆکی ئەمریکا، رایگەیاند: کە وڵاتەکەی پلانی نییە هێزی زەمینی بۆ نێو خاکی ئێران رەوانە بکات. هاوکات ئاشکرای کرد، داوای لە سەرۆکوەزیرانی ئیسرائیل کردووە ژێرخانی وزەی ئێران نەکاتە ئامانج.

 میری قەتەر و سەرۆکی میسر، لە دیدارێکدا پرسی گرژییەکانی ناوچەکە و هێرشەکانی ئێرانیان بۆ سەر چەند وڵاتێک تاوتوێ کرد.

دیوانی میری قەتەر، لە راگەیەنراوێکدا ئاماژەی بەوە دا، هەردوولا لە میانەی دیداری نێوانیان، جەختیان لە گرنگیی چڕکردنەوەی هەوڵە ناوچەیی و نێودەوڵەتییەکان کردووەتەوە بۆ کەمکردنەوەی ئاستی گرژییەکان.

سوپای پاسدارانی ئێران، شەپۆلی 65ـی هێرشی مووشەکی بەڵێنی راستگۆیی بۆ سەر ئیسرائیل دەستپێکرد و رایگەیاندووە، یەکەمجارە مووشەکی نەسروڵڵا بەکار دەهێنێت.

لە راگەیەندراوەکەی سوپای پاسداران دا هاتووە، لەم شەپۆلەی هێرشی مووشەکیدا پاڵاوگەکانی حەیفا و ئەشدودیان کردووەتە ئامانج، هەروەها چەند ناوچەکەی ئەمنی و پشتیوانی سەربازیان لە ناوجەرگەی ئیسرائیل بە ئامانج گرتووە. 

سوپای پاسداران: شوێنی دابینکردنی سووتەمەنی فڕۆکە جەنگییەکانی ئێف16 و ئیف35مان بۆردومان کرد

وەزیری دەرەوەی ئێران، رایگەیاند: کە وڵاتەکەی لە وەڵامدانەوەی هێرشەکانی ئیسرائیلدا تەنیا بڕێکی زۆر کەم لە توانای سەربازیی خۆی نیشان داوە. هاوکات هۆشدارییەکی توندی دایە تەلئەڤیڤ و گوتی: هەر هێرشێکی دیکە بۆ سەر ژێرخانی ئێران، وەڵامێکی بێسنووری لێ دەکەوێتەوە.

دەستەی پەخشی میدیایی ئیسرائیل لە تۆڕی کۆمەڵایەتیی ئێکس بڵاویکردووەتەوە، مووشەکانی ئێران، لە شاری حەیفای باکووری ئیسرائیل پاڵاوگەیەکی نەوتیان کردووەتە ئامانج و بەهۆیەوە دووکەڵێکی چڕ لە دەوروبەری پاڵاوگەکە بەرز دەبێتەوە.

دەستەکە ئاماژەیداوە، بەهۆی پێکانی پاڵاوگەکە مەترسی دزەکردن و بڵاوبوونەوەی ماددەی مەترسیدار دەکرێت.

وەزیری دەرەوەی تورکیا، رەخنەی توند لە هەڵوێست و هێرشەکانی ئەم دواییەی ئێران دەگرێت و رایدەگەیەنێت کە تاران متمانەی تورکیای لەنێو بردووە. فیدان جەخت لەوە دەکاتەوە کە هێرشکردنە سەر وڵاتانی دراوسێ و ژێرخانی وڵاتانی عەرەبی مەترسییەکی راستەوخۆیە بۆ سەر سەقامگیریی ناوچەکە.

محەممەد بن عەبدولڕەحمان ئال سانی، وەزیری دەرەوەی قەتەر لە کۆنفرانسێکی هاوبەشی رۆژنامەوانیدا لەگەڵ هاکان فیدان، وەزیری دەرەوەی تورکیا گوتی " هێرشی ئێران بۆ سەر شاری رەئس لەفان، لێکەوتەی خراپی لەسەر دابینکردنی وزەی جیهانی دەبێت، بۆیە پێویستە ئێران هەرچی زووە هێرشەکانی بۆ سەر وڵاتانی کەنداو رابگرێت".

راشیگەیاند، فراوانکردنی ئاڵۆزییەکان و جەنگ هیچ خزمەتێک بە ئاسایش و سەقامگیری ناوچەکە ناکات، ئەمەش لەبەرژەوە ندی هیچ وڵاتێکی ناوچەکە نابێت.

محەممەد بن عەبدولڕەحمان ئال سانی، وەزیری دەرەوەی قەتەر لە کۆنفرانسێکی هاوبەشی رۆژنامەوانیدا لەگەڵ هاکان فیدان، وەزیری دەرەوەی تورکیا گوتی " هێرشی ئێران بۆ سەر شاری رەئس لەفان، لێکەوتەی خراپی لەسەر دابینکردنی وزەی جیهانی دەبێت، بۆیە پێویستە ئێران هەرچی زووە هێرشەکانی بۆ سەر وڵاتانی کەنداو رابگرێت".

راشیگەیاند، فراوانکردنی ئاڵۆزییەکان و جەنگ هیچ خزمەتێک بە ئاسایش و سەقامگیری ناوچەکە ناکات، ئەمەش لەبەرژەوە ندی هیچ وڵاتێکی ناوچەکە نابێت.

ئەمینداری گشتیی رێکخراوی بەدر، ئاماری قوربانیانی هێرشەکانی ئەم دواییەی بۆ سەر هێزەکانی حەشدی شەعبی ئاشکرا کرد و داوای لە دامەزراوە فەرمییەکانی عێراق کرد هەڵوێستی جیددییان هەبێت.

پێنجشەممە، 19ـی ئاداری 2026، هادی عامری، ئەمینداری گشتیی رێکخراوی بەدر، لە راگەیەنراوێکدا رایگەیاند: هێرشە "دوژمنکارییەکانی" ئەمریکا و ئیسرائیل بۆ سەر بارەگاکانی حەشد، بووەتە هۆی گیانلەدەستدانی 60 کەس و برینداربوونی 100 کەسی دیکە.