ڕاستەوخۆ

هێرشی ئەمریکا و ئیسرائیل بۆ سەر ئێران

ئۆپەراسیۆنی هاوبەشی سەربازیی ئەمریکا و ئیسرائیل لە دژی ئێران بەردەوامە

ئێران
هاوبەشکراوە

موجتەبا خامنەیی: ژمارەیەکی زۆری هاووڵاتیی و منداڵ بەهۆی هێرشەکانی ئەمریکا و ئیسرائیل کوژراون

موجتەبا خامنەیی، رێبەری باڵای شۆڕشی ئیسلامی ئێران بەبۆنەی جەژنی نەورۆز و رەمەزان پەیامێکی بڵاوکردەوە و رایگەیاند: ئەمریکا و ئیسرائیل وایانزانی بە یەک بۆ دوو رۆژ ئێران دەڕوخێنن، بەڵام بە هەڵەداچوون و هەوڵدەدەن شەڕ رابگرن.

ئەمڕۆ هەینی، 20ـی ئاداری 2026،  موجتەبا خامنەیی، رێبەری باڵای شۆڕشی ئیسلامی ئێران رایگەیاند: ژمارەیەکی زۆری هاووڵاتیی و منداڵ بەهۆی هێرشەکانی ئەمریکا و ئیسرائیل کوژراون، کە نزیکەی هەزار کەس دەبن.

خامنەیی گوتی: ئەمریکا و ئیسرائیل وایانزانی بە یەک بۆ دوو رۆژ ئێران دەڕوخێنن، بەڵام بە هەڵەداچوون و هەوڵدەدەن شەڕ رابگرن.

 

خاڵە سەرەکییەکان

ئەمریکا: بۆ کردنەوەی گەرووی هورمز دەست بەسەر دوورگەی خارگدا دەگرین

سریلانکا رەتیدەکاتەوە لە خاکی وڵاتەکەیەوە هێرش کرابێتە سەر ئیران

تەسنیم: 16 کەشتی بازرگانی ئێران لە هیڕشی بەندەری لێنگی تێکشکێنران

وەزارەتی بەرگریی ئیمارات: 4 مووشەک و 26 درۆنمان خستە خوارەوە

گۆتێرێز: تەنیا ئەمریکا دەتوانێ جەنگی ئێران و ئیسرائیل رابگرێت هەموو ببینە

چین: ناسەقامگیری ناوچەکە کاریگەری ئابووریی لەسەر جیهان دەبێت

سوپای ئیسرائیل: سیستەمی بەرگریی بەرپرچی ژمارەیەک مووشەکی داوەتەوە

راوێژکاری ئەڵمانیا: مەترسییەکانی جەنگی ئێران کاردانەوەی دەبێت

بەحرەین: بەرپرچی 141 مووشەک و 242 درۆنی ئێرانی دراونەتەوە

زەنگی ئادارکردنەوە لە چەند ناوچەیەکی ئوردن لێ دەدرێت

ئیسرائیل چەند ناوچەیەکی باشووری لوبنان بۆردومان دەکات

وەزارەتی دەرەوەی چین: لە گرژییەکانی رۆژهەڵاتی ناوەڕاست نیگەرانین

رۆیتەرز: بەندەری لێنگێ لە ئێران بۆردومان کرا

لە ئێران بەرپرسێکی دیکەی باڵای هەواڵگریی بەسیج کوژرا هەموو ببینە

عێراقچی بۆ هاوتا بەریتانییەکەی: لەندەن هاوبەشە لە دەستدرێژییەکانی ئەمریکا و ئیسرائیل بۆ سەر ئێران

گوتەبێژی سوپای پاسداران کوژرا هەموو ببینە

شەش وڵات ئامادەیی خۆیان بۆ پاراستنی گەرووی هورمز راگەیاند هەموو ببینە

لە کوێت بەهۆی هێرشی درۆنەوە ئاگر لە پاڵاوگەیەکی نەوت کەوتەوە هەموو ببینە

ترەمپ: جەنگی ئێران بەم زووانە کۆتایی دێت هەموو ببینە

سوپای پاسداران لە گەرووی هورمز ناوچەیەکی ئارامی کردووەتەوە هەموو ببینە

وەزیری دەرەوەی قەتەر: فراوانکردنی جەنگ خزمەتی ئاسایش و سەقامگیری ناوچەکە ناکات هەموو ببینە

هێرشەکەی سەر قەتەر نرخی گازی لە ئەوروپا بەرز کردەوە هەموو ببینە

دەسەڵاتی فڕۆکەوانی مەدەنی عێراق، ئاسمانی وڵاتەکەی بۆ 72 کاتژمێری دیکە درێژ کردەوە

ئیسرائیل هێلیکۆپتەرێکی ئێران لە سنە و 5 کەشتی جەنگی لە دەریای قەزوین تێکدەشکێنێت هەموو ببینە

ئێران رێگری لە کەشتییەکی زەبەلاحی نەوتهەڵگر کرد هەموو ببینە

رۆیتەرز: ئەمریکا پلانی جێگیرکردنی هێزی زەمینی لە کەنداو داڕێشتووە هەموو ببینە

حەشدی شەعبی: لە ئەنجامی هێرشێکی ئاسمانی چەکدارێکمان لە نەینەوا کوژرا هەموو ببینە

لە تەلئەڤیڤ کوژراوێک هەیە و ئیسرائیل رووبەڕووی هێرشە موشەکییەکانی ئێران دەبێتەوە هەموو ببینە

نەوتی برێنت و تێکساس؛ جیاوازیی نرخەکەیان ریکۆردی 11 ساڵی شکاند هەموو ببینە

ئەمریکا: ئەرکە سەربازییەکانمان لە ئێران بەرەو کۆتایی دەچێت هەموو ببینە

نوێبوونەوەی ئۆتۆماتیکی

ترەمپ: دانوستاندن لەگەڵ ئێران ناکەین

دۆناڵد ترەمپ: دانوستاندن لەگەڵ ئێران ناکەین و ئێران هێزی ئاسمانی و دەریایی لە دەستداوە.

 
 

ناتۆ هێزه‌كانی له‌ عێراق بۆ ئه‌وروپا ده‌كشێنێته‌وه‌

بەهۆی جەنگی ئێران و ململانێ سەربازییەکانی رۆژهەڵاتی ناوەڕاست، ناتۆ ئەرکەکەی لە عێراق هەڵپەسارد.

ئاژانسی ئەی ئێف پی لەسەر زاری چەند بەرپرسێکی عێراق ئاشکرایکرد، بەهۆی جەنگی ئێران، ناتۆ بە شێوەیەکی کاتی ئەرکەکەی لە عێراق هەڵپەسارد و هێزەکانی هاوپەیمانییەکەش لەو وڵاتە کشێنرانەوە. بەگوێرەی زانیارییەکان ئەو هێزەی ناتۆ لە عێراقەوە گواستراونەتەوە ئەوروپا. 

ئاماژەی بەوەشدا، دوای ئاساییبوونەوەی دۆخی ناوچەکە، ئەرکی ناتۆ لە عێراق دەستپێدەکاتەوە.

 

ئەبولفەزڵ شەکارچی:چیتر جیهان بۆ بەرپرسانی ئەمریکا و ئیسرائیل پارێزراو نیە

ئەبولفەزڵ شەکارچی، گوتەبێژی باڵای هێزە چەکدارەکانی ئێران دەڵێت " بەگوێرەی ئەو زانیاریانەی لە بارەی بەرپرسان و سەرکردە باڵاکانی ئیسرائیل و ئەمریکا لە بەردەستمانە، چیتر پارک، شوێنە گشتییەکان و ناوەندە گەشتوگوزارییەکانی جیهان بۆیان شوێنی پارێزراو نابن".

شەکارچی دەڵێت " کوشتنی بەرپرسانی باڵا و فەرماندەکانی هێزە چەکدارەکانی ئێران، نیشانەی بەهێزی دوژمن نییە، بەڵکو نیشانەی بێئومێدی و بێدەسەڵاتی و خراپەکاریی دوژمنانە، بەڵام چاودێری بەرپرسان، فڕکەوان و سەربازەکانیان دەکەین، هێندە ناخایەنێت هێزەکانی ئێران لە هێرشەکانیان بەردەوام دەبن و هەمووان بە سزا دەگەیەنن".

 

سوپای پاسداران هێرشێکی دیکەی کردە سەر ئیسرائیل و ناوچەکە

سوپای پاسداران شەپۆلی 68ـی ئۆپەراسیۆنی بەڵێنی راستگۆیی چواری راگەیاند و ئاماژەیداوە، ئۆپەراسیۆنەکە بە هاوبەشی لەنێوان هێزی دەریایی و هێزی ئاسمانی سوپای پاسداران جێبەجێکراوە.

لە شەپۆلەکەی ئەمجارەدا مووشەکەکانی خوڕەمشەهر 4، قەدری کڵاوەی هێشوویی ئاراستەی 25 ئامانج لە حەیفا و تەلئەڤیڤ کراوە و دەیان درۆنی بۆمبڕێژکژاویش ئاراستەی بنکە سەربازییەکانی ئەمریکا لە ناوچەکە کراون.

 

سریلانکا رەتیدەکاتەوە ئەمریکا خاکەکەی لە دژی ئێران بەکاربهێنێت

ئەنورا کومارا دیسانایاکی، سەرۆکی سریلانکا، ئەمڕۆ هەینی، 20ـی ئاداری 2026، گوتی، رەتی کردووەتەوە رێگە بە جێگیرکردنی دوو فڕۆکەی جەنگیی ئەمەریکی لەسەر خاکی وڵاتەکەی بدات، ئەمەش بە مەبەستی پاراستنی بێلایەنیی خۆیانە لەو ململانێیەی لە رۆژهەڵاتی ناوەڕاستدا دەگوزەرێت.

 
بۆ زانیاریی زیاتر، کرتە بکە

رێبەری ئێران، بەهۆی کوژرانی وەزیری ئیتڵاعات پەیامێکی بۆ سەرۆککۆمار نارد

موجتەبا عەلی خامنەیی، رێبەری باڵای نوێی کۆماری ئیسلامی ئێران بەهۆی کوژرانی ئیسماعیل خەتیب، وەزیری ئیتڵاعات پەیامێکی ئاراستەی سەرۆککۆمار مەسعود پزیكشیان کرد.
 

 
بۆ زانیاریی زیاتر، کرتە بکە

گۆتێرێز: تەنیا ئەمریکا دەتوانێ جەنگی ئێران و ئیسرائیل رابگرێت

ئەنتۆنیۆ گۆتێرێز، ئەمینداری گشتیی نەتەوە یەکگرتووەکان، لە لێدوانێکیدا رایگەیاند؛ بەڵگەی بەهێز و هۆکاری لۆژیکی لەبەر دەستدان بۆ ئەوەی بڕوا بەوە بکرێت هەردوو لایەنی ململانێکە، ئیسرائیل و ئێران، تاوانی جەنگییان ئەنجامداوە.

 

لە ئێران بەرپرسێکی دیکەی باڵای هەواڵگریی بەسیج کوژرا

ئەمرۆ هەینی 20ـی ئاداری 2026، میدیاکانی ئێران کوژرانی ئیسماعیل ئەحمەدی، بەرپرسی هەواڵگریی دەستەی بەسیج و جێگری غوڵامڕەزا سولەیمانی، سەرۆکی ئەو دەستەیان راگەیاند.

 

گوتەبێژی سوپای پاسداران کوژرا

سوپای پاسدارانی ئیسلامی ئێران لە بەیاننامەیەکدا، کوژرانی سەردار سەرتیپ پاسدار "عەلی محەممەد نائینی"، جێگری پەیوەندییە گشتییەکان و گوتەبێژی فەرمی سوپای پاسدارانی پشتراستکردەوە.

 

شەش وڵات ئامادەیی خۆیان بۆ پاراستنی گەرووی هورمز راگەیاندهەریەک لە وڵاتانی فەرەنسا، بەریتانیا، ئەڵمانیا، ئیتاڵیا، هۆڵەندا و ژاپۆن، لە بەیاننامەیەکی هاوبەشدا بە