وەزیری بەرگریی بەریتانیا دەڵێت " ئێران دوو مووشەکی بالیستی ئاراستەی بنکەی هێزی ئاسمانی شاهانەی بەریتانیا لە قوبرس کردووە".

جۆن هیڵی وەزیری بەرگریی بەریتانیا رایگەیاند، باوەڕمانوایە ئێران بە ئەنقەست بنکەکان دەکەنە ئامانج، ئەمەش سەلمێنەری ئەو راستیەیە، کە ئێران تۆڵەسەندنەوەی هێرشەکانی ئەمریکا و ئیسرائیل چەندە بێ جیاوازی پەلاماری ناوچەکە دەدات.

ئەمە دووەم هێرشی مووشەکی بالیستی ئێرانە لە کەمتر لە 24 کاتژمێردا، دەکاتە سەر بنکە سەربازییەکانی قوبرس.

دۆناڵد ترەمپ، سەرۆکی ئەمریکا دەڵێت "ئامانجی گەورەمان هەیە و هێرشەکانمان بۆ سەر ئێران بەردەوام دەبن تاوەکوو هەموو ئامانجەکانمان بە دەستدەهێنین".

هۆشداری توند بە هێزە چەکدارەکانی ئێران دەدات، بۆ ئەوەی هەرچی زووە چەک دابنێن و خۆیان رادەست بکەن ئەگەرنا چارەنووسێکی خراپ چاوەڕوانیان دەکات.

ترەمپ گوتی: تا ئێستا سێ سەربازی ئەمریکی بەهۆی هێرشە مووشەکی و درۆنیەکانی ئێران کوژراون، بەڵام تۆڵەیان دەکەینەوە.

سەرۆکی ویلایەتە یەکگرتووەکانی ئەمریکا، رایگەیاند ئۆپەراسیۆنە سەربازییەکان تەنیا مانگێک دەخایەنن، هاوکات کوژرانی سەربازانی وڵاتەکەشی لەم جەنگەدا بە قوربانییەکی چاوەڕوانکراو وەسف کرد کە لە پێناو ئامانجێکی گەورەتردایە.

یەکشەممە 1ـی ئاداری 2026، دۆناڵد ترەمپ،سەرۆکی ویلایەتە یەکگرتووەکانی ئەمریکا لە چاوپێکەوتنێکدا لەگەڵ رۆژنامەی (دەیلی مەیل)ی بەریتانی، ئاماژەی بەوە داوە کە ئۆپەراسیۆنەکان بەپێی پلانێکی دیاریکراو بەڕێوە دەچن و گوتی: وا دانراوە کە ئۆپەراسیۆنی توورەیی داستانئاسا چوار هەفتەیی بێت، ئاشکراشی کرد، لە هێرشە هاوبەشەکانی ئەمریکا و ئیسرائیلدا رێبەری باڵای ئێران کوژراوە و توانای بەرگریی ئەو وڵاتە ئیفلیج کراوە، بەڵام لەبەر ئەوەی ئێران وڵاتێکی گەورەیە و سەرەڕای بەهێزیی هێرشەکان، کۆنترۆڵکردنی دۆخەکە چوار هەفتە یان کەمتر دەخایەنێت.

باڵیۆزخانەی ئەمریکا لە بەغدا داوای لە ھاووڵاتییانی وڵاتەکەی کرد کە بەھۆی ئاڵۆزی دۆخی ئەمنییەوە، سەردانی عێراق نەکەن.

ئەمڕۆ یەکشەممە، 1ـی ئاداری 2026، باڵیۆزخانەکە ھۆشدارییەکی ئەمنیی بڵاوکردەوە و تیایدا داوای لە ھاووڵاتییانی ئەمریکا لە عێراق کردووە کە ئاگاداری خۆیان و بە ورییاوە ھەڵسەکەوت بکەن، پێویستە ھاتوچۆکانیان سنووردار بکەن.

وەزارەتی پێشمەرگە لە راگەیەنڕاوێکدا ئاماژە بەوە دەکات، بارەگای فیرقەی11ی هێزی پێشمەرگەی کوردستان لە دەورووبەری ناحیەی دێگەڵە، لە رێگەی فڕۆکەیەکی بێ فڕۆکەوانی بۆمبڕێژکراوەوە (دڕۆن) پەلاماردراوە .

ئەمڕۆ یەکشەممە، 1ـی ئاداری 2026، وەزارەتی پێشمەرگەی حکوومەتی هەرێمی کوردستان بڵاویکردەوە، ئێوارەی ئەمڕۆ بارەگای فیرقەی11ی هێزی پێشمەرگەی کوردستان لە دەورووبەری ناحیەی دێگەڵە، لە رێگەی فڕۆکەیەکی بێ فڕۆکەوانی بۆمبڕێژکراوەوە (دڕۆن) پەلاماردراوە .

لەگەڵ پەرەسەندنی مەترسیداری دۆخی ڕۆژهەڵاتی ناوەڕاست، هەریەک لە فەرەنسا، ئەڵمانیا و بەریتانیا لە هەڵوێستێکی توندی هاوبەشدا ڕایانگەیاند کە ئامادەن بەرگری لە بەرژەوەندییەکانی خۆیان و هاوپەیمانەکانیان لە کەنداوی عەرەبی بکەن و ئەگەر پێویست بکات ڕێکاری بەرگریی توند دژی ئێران دەگرنەبەر.

یەکشەممە 1ی ئاداری 2026، سەرکردەی ئەم سێ وڵاتە ئەورووپییە ڕاگەیەندراوێکی هاوبەشیان بڵاو کردەوە و تێیدا تووڕەیی و نیگەرانیی قووڵی خۆیان دەربڕی بەرانبەر بەو هێرشە مووشەکییە هەڕەمەکی و ناهاوسەنگانەی ئێران کردوویەتە سەر وڵاتانی ناوچەکە، بەتایبەتی ئیدانەی توندی بۆردوومانکردنی ئەو وڵاتانەیان کردووە کە بەشێک نەبوونە لە ئۆپەراسیۆنە سەربازییە سەرەتاییەکانی ئەمریکا و ئیسرائیل و بێلایەنیی خۆیان پاراستووە.

هاوپەیمانی ناتۆ هێزەکانی بۆ پاراستنی 32 وڵاتی ئەندام دەجوڵێنێت و ئامادەکاری بۆ بەرپەرچدانەوەی مووشەک و درۆنەکان دەکات.

یەکشەممە 1ـی ئاداری 2026، هاوپەیمانی ناتۆ، لە بەیاننامەیەکی فەرمیدا دەستپێکردنی زنجیرەیەک جوڵە و رێکاری سەربازیی راگەیاند، ئاماژەی بەوەشکردووە، ئامانج لەم هەوڵەی ناتۆ پاراستنی وڵاتانی ئەندامە لە لێکەوتە و پەرەسەندنە ئەمنییەکانی ئێستای ناوچەی رۆژهەڵاتی ناوەڕاست.

سەرۆک بارزانی و ئەحمەد شەرع، بە تەلەفۆن گفتوگۆیان کرد و بیروڕایان لە بارەی دوایین پێشهات و گۆڕانکارییەکانیان لەسەر سەقامگیریی ناوچەکە ئاڵوگۆڕ کرد.

ئێوارەی رۆژی یەكشەممە 1ـی ئاداری 2026، سەرۆك مەسعود بارزانی، پەیوەندییەكی تەلەفۆنی لە ئەحمەد شەرع، سەرۆكی سووریا پێ گەییشت.

فەرماندەیی ئۆپەراسیۆنە هاوبەشەکانی عێراق رایگەیاند: کە خاڵێکی سەربازیی سەر بە هێزەکانی حەشدی شەعبی لە ناوچەی عەکاشاتی پارێزگای ئەنبار رووبەڕووی بۆردومانێکی ئاسمانی بووەتەوە و قوربانی لێ کەوتووەتەوە.

یەکشەممە، 1ـی ئاداری 2026، فەرماندەیی ئۆپەراسیۆنە هاوبەشەکان لە راگەیەندراوێکدا، ئاشکرای کرد، کاتژمێر 9ـی ئەمشەو، خاڵێکی سەر بە لیوای 45ـی حەشدی شەعبی لە ناوچەی عەکاشاتی پارێزگای ئەنبار، رووبەڕووی دوو هێرشی ئاسمانی بووەوە.

دەستەی گشتیی فڕۆکەوانی مەدەنی ئیمارات رایگەیاند، هەوڵەکانی چڕکردووەتەوە بۆ گەڕانەوەی گەشتە ئاسمانییەکان بە شێوەیەکی سەلامەت و رێکخراو لە سەرجەم فڕۆکەخانەکانی وڵاتەکەدا.

یەکشەممە 1ـی ئاداری 2026، دەستەی گشتیی فڕۆکەوانی مەدەنی ئیمارات لە بەیاننامەیەکدا ئاماژەی بەوە کردووە، لە هەماهەنگییەکی نزیکدان لەگەڵ فڕۆکەخانەکان و کۆمپانیا نیشتمانییەکانی گواستنەوەی ئاسمانی بۆ چالاککردنی پلانەکانی باری نائاسایی، بە مەبەستی دڵنیابوون لە بەردەوامیی پڕۆسە تەکنیكی و چاودێرییەکان.