Cizîr: Serpêhatiya Mirov, Kevir û Ajelan

K24- Cizîr

Li Cizîrê ji 14ê Kanûnê ve qedexeya derketina derve heye. Tevî ku 11ê Sibatê operasyon bidawî bûn, lê li navçeyê hîn jî qedexe didome. 

Xaniyên ku li taxên Nûr, Sûr, Cûdî û Yafesê ne, bi piranî wêran bûne. Li taxên Cûdî û Sûrê, li jêrzemîna 3 avahiyan nêzî 150 kes hebûn. Agahiyên derheqê van jêrzemînan jî hêdî hêdî zelal dibin.

Ajansa Nûçeyan a Cîhanê vê sibehê çû taxa Cûdiyê û wêneyên jêrzemîna duyemîn a ku li kolana Narînê bû kişandin. 

Avahiya ku jê 41 cenaze hatin derxistin, tevî jêrzemîna wê, bûye kavil. 

Li kolana Narîn xaniyekî jî li ser xwe nemaye. Li her derê kolanê xaniyên şewitandî hene. 

Avahiyeke ku li hember jêrzemînê bû hebû, xera bûye û bermahiyên wê jî hatine rakirin. Bêhnên ne xweş li wê deverê tê. 

Şer û pevçûn zirar daye ajelan jî. Gelek ajal û sewal mirar bûne.