Barzanî serdana çeperên pêşî yên Pêşmerge kir
Piştî temambûna qonaxa yekem ya operesyona hêza Pêşmergeyên Kurdistanê û azadkirina 6 gundan ji destê DAIŞê li deşta Neynewa, Serokê Herêma Kurdistanê û Fermandarê Giştî yê Hêzên Çekdarên Herêma Kurdistanê Masûd Barzanî serdana çeperên pêşî yên Pêşmergeyan li eniya Xazir kir.
K24 – Navenda Nûçeyan
Piştî temambûna qonaxa yekem ya operesyona hêza Pêşmergeyên Kurdistanê û azadkirina 6 gundan ji destê DAIŞê li deşta Neynewa, Serokê Herêma Kurdistanê û Fermandarê Giştî yê Hêzên Çekdarên Herêma Kurdistanê Masûd Barzanî serdana çeperên pêşî yên Pêşmergeyan li eniya Xazir kir.
Serokê Herêma Kurdistanê ji çeperên pêşî re, bi mebesta ji nêzîk ve agahdarbûn li pêşketinên hêzên Pêşmerge serdana Eniya Xazir, Giwêr û Mexmûr ya Pêşmerge kir û bi fermandaran civiya.
Di civînê de, fermandarên hêza Pêşmerge amaje bi serkeftinan kirin û ragihandin, ew plana bo wan hatiye danan, bi serkeftî hate cibicîkirin û armancên xwe di operesyonê de bicih anîn.
Barzanî tevî destxweşiya pêşmergeyên qehreman kir, serxweşiya xwe bo kesûkarên şehîdên îro derbirî û hêviya saxlemiyê bo birîndaran xwast.
Îro hêza Pêşmergeyên Kurdistanê bi serpereştiya rasterast ya Serokê Herêma Kurdistanê Masûd Barzanî li dijî DAIŞê dest pê kir û tê de 6 gund ji destê DAIŞê hatin rizgarkirin.