Li Bakur serdegirtinên avahiyên DBP û HDP’ê didomin
Li Diyarbekirê polîsan girt ser avahiyên navçe û navendî yên partiyên HDP û DBP’ê. Polîsên ku bi biryara dadgeriyê girtin ser avahiyan, di hundir de dest bi lêgerînan kirin. Li gorî agahiyên rayedarên herdu partiyan, lêgerîna polîsan hîn jî didome.
K24 – Diyarbekir
Li Diyarbekirê polîsan girt ser avahiyên navçe û navendî yên partiyên HDP û DBP’ê. Polîsên ku bi biryara dadgeriyê girtin ser avahiyan, di hundir de dest bi lêgerînan kirin. Li gorî agahiyên rayedarên herdu partiyan, lêgerîna polîsan hîn jî didome.
Li avahiyên Partiya Herêmên Demokratîk (DBP) û Partiya Demokratîk a Gelan (HDP)’ê, duh bi şev demjimêr di 23:40’î de lêgerîna polîsan dest pê kir.
Parlementera HDP’ê ya Edeneyê, Meral Daniş Beştaş ragihand ku, lêgerînên li avahiyên navenda bajêr û navçeyên Lice, Sûr, Farqîn, Kayapinar, Baglar û Yanîşehîrê, hîn jî didomin û li avahiyan perlementer û parêzer jî rewşê dişopînin.
Hat ragihandin ku di van serdegirtinan de hevseroka DBP’ê ya Liceyê Rozerîn Yîgîtel jî hatiye binçavkirin. 55 hevserok û rêveberên di 11’ê Cotmehê de hatibûn binçavkirin jî di nav de; di hefteya dawîn de bi giştî 136 endam û rêveberên HDP û DBP’ê hatin binçavkirin.
