ENKS girtina du endamên PDK-S şermezar kir

K24-Navenda Nûçeyan

Encûmena Niştimanî ya Kurd li Sûriyê(ENKS)girtina du endamên PDK-S yên bi navê Mesûd Hemdo û Fewaz Beşîr ji aliyê grûpeke nenaskirî ve şermezar kir.

Duh, li bajarê Dêrikê grûpek ne naskirî Endamê Komîteya Navxweyî ya PDK-S Mesûd Hemdo revandin û ber bi ciheke ne diyar ve birin, herwiha roja berî wê jî Asayîşa Girkê Legê li gindê Xirba Cihûyan ser bi mala Endamê PDK-S Fewaz Beşîr girtin û ew bi hiceta revîna birayê wî ji leşkeriya neçar girtin.

 Derbarê girtina wan her du endamên PDK-S  Encûmena Niştimanî ya Kurd li Sûriyê(ENKS) daxuyaniyek belav kir, tê de girtan wan şermezar kir û da zanîn ku, siyaseta girtina serkirde û endamên wan nakeve xizmeta berjewendiyên yekrêziya Kurdan de.

ENKS bang li Hêzên navdewletî û Kurdistanî kir ku, fişarê bixne ser PYDê daku, wan girtiyan azad bike.