Serokê ENKSê destpêşxeriyekê pêşkêşî Pêşverû dike
Serokê Encûmena Niştimanî ya Kurd li Sûriyê (ENKS) Îbrahîm Biro destpêşxeriyek pêşkêşî Partiya Demokratîk a Pêşverû ya Kurd li Sûriyê (PDPKS) kir û ragihand, dixwazin careke din PDPKSê vegere nava rêzên ENKSê û cihê wê ya taybet di nava ENKSê de heye.
K24 – Navenda Nûçeyan
Serokê Encûmena Niştimanî ya Kurd li Sûriyê (ENKS) Îbrahîm Biro destpêşxeriyek pêşkêşî Partiya Demokratîk a Pêşverû ya Kurd li Sûriyê (PDPKS) kir û ragihand, dixwazin careke din PDPKSê vegere nava rêzên ENKSê û cihê wê ya taybet di nava ENKSê de heye.
Serokê ENKSê Îbrahîm Biro ji K24ê re ragihand, PDPKS yek ji damêzrênerê ENKSê bû, her demekê deriyê ENKSê vekiriye ku careke din PDPKS vegere nava rêzên ENKSê û kar bike, ciheke wê ya taybet di nava ENKSê de heye. Heger hin nakokî û pirsgirêk hebin, dikarin bi hev re danûstandinê bikin û kar û xebatê berdewam bikin.
Partiya Demokratîk a Pêşverû ya Kurd li Sûriyê (PDPKS) ku yek ji damêzrênerê ENKSê bû, di meha Mijdara 2016an de xwe ji nava ENKSê vekişand. Endama Pîlotbîroya PDPK-Sê Ehmed Silêman, roja 25 Mijdarê tevlî bultena K24ê bû û ragehand ku “Em ne li dijî ENKSê ne, lê berdewamiya me di nava wê de pir zehmet e.”
