Pêşmerge du êrîşên Heşda Şeibî têk birin
"Pêşmerge li gundên Berdiye û Hemed Axa ziyaneke mezin li çekdarên Heşda Şeibî kirin"
K24 - Navenda Nûçeyan
Nûçegihanê Kurdistan24ê ragihand: "Sibeha Îro artêşa Iraq û Heşda Şeibî li navçeya Sihêla li bakurê bajarokê Zumar li rojavayê Dicle, hêzên Pêşmerge topbaran kirin û dest bi êrîşê kirin."
Nûçegihanê me got: "Pêşmerge li gundên Berdiye û Hemed Axa ziyaneke mezin li çekdarên Heşda Şeibî kirin û li herdu gundên Ciruniyê û Eyn Uzêr çekdarên Heşda Şeibî paşde vegerandin, herweha Pêşmerge hejmarek tank û zirîpoşên Heşdê têkşikandin."
Berî niha, Encûmena Asayişa Herêma Kurdistanê di daxuyaniyekê de, rewşa niha bi metrisîdar binav kiribû û ji hikûmeta Bexda xwestibû, destpêşxeriya Herêma Kurdistan qebûl bike û dest bi diyaloga bê merc bike."
Herweha Encûmena Asayşa Herêma Kurdistanê diyar kir, ku ew tevgerên serbazî derfetê dide Îranê hejmûna xwe li navçeyê berfireh bike û aramiya Herêma Kurdistan têk bide.