“Rojên bê siyaseta Amerika beramberî Îranê zelaltir dibe”
Polîtîkayên Îranê yên li Rojhilata Navîn, têkiliyên digel Tirkiye û Iraqê û Encamên gemaroya Emerîkayê ya li ser Îranê li Enqerê bi konferansekê hate nîqaşkirin.
K24 – Navenda Nûçeyan
Polîtîkayên Îranê yên li Rojhilata Navîn, têkiliyên digel Tirkiye û Iraqê û Encamên gemaroya Emerîkayê ya li ser Îranê li Enqerê bi konferansekê hate nîqaşkirin.
Li Tirkiye û Îranê hejmarek zêde akademîsyenên pispor yên ku beşdarî konferansê bûn diyar kirin rêveberiya Trump diwaze rêkeftina nûkleerî betal bike û li ser Îranê gemaroyên giran karîger bike, lê belê di karên derve de hêj tîma rêveberiya Obama li ser kar in, loma Trump vê polîtîkaya xwe nikare karîger bike. Lê belê pispor dibêjin, dê rojên bê de ev rewşa heyî biguhere.
Pisporê Îranê Profesor Abumohammad Asgarkhanî yê ku beşdarî konferansê bu ragihand dema ku rêveriya Trump polîtîkayên xwe yên derbarê Îranê de karîger bike dê helwesta Wasgîngtonê ya derbarê Kurdistanê de jî biguhere.
Prof. Dr. Abumohammad Asgarkhanî -Akademîsyen
"Rêveberiya Trump naxwaze ku Îran li Rojhilata Navîn bibe hêzek mezin. Ji ber vê yekê dixwaze ku rêkeftina nûklerê betal bike û Îranê dorpêç bike. Tahranê ev yekê dît loma bi awayekî taktîkî di mijara referandûma Kurdistanê de nêzîkê Tirkiyeya ku di warê siyasî, polîtîk û hegemonîk de li herêmê hevrikê wê yê herî mezine bû. Emerîka dema dorpêça li ser Îranê karîger dike li aliyekê jî dê nêzîkê hewlêrê bibe. Ev yêk jî dê gemaroya li ser Kurdistanê têk bibe."
Profesor Asgarkhanî di vê difikire de ye ku Tirkiye jî di vê çarçoveyê de neçarî têkîliyên xwe yên li gel Tehranê dê ber bi çavan re derbas bike.
Rojnamevan û nivîskarê Îranî yê bi tecrûbe Reza Haghîghatnejad yê ku li ser polîtîkayên Emerîkayê de kar dike jî di nêrînên xwe yên bo Kurdistan24ê de ragihand ku Washîngton jî ji hebûna Heşdî Şabî ya li herêmê eciz e û dê demek nêz de mudaxaleyê vê yekê bike.
Reza Haghighatnejad - Rojnamevan –Nivîskar diyarkir:
"Îran niha li Iraqê dixwaze ku wekî Hîzbullaha Lûbnanê, Heşdî Şabî li herêmê wek rêxistinekê bicîh bike. Lê Emerîka çawa ku Hîzbullaha
Lûbnanê wek terorîst dibîne heşdî şabî jî ji nêz ve dişopîne. Helbet Emerîka dê mudaxaleyê bike. Dê vê yekê jî bi bandor û hêza xwe ya li ser Rêveberiya Navendî ya Iraqê pêk bîne. Emerîka ji geşedanên dawî û bihêzbûna Îranê ya li herêmê eciz e. Ev yek dê Emerîka û Kurdistanê nêzîkê hev bike."
Li gorî pisporan rêvebiriya Trump ku ev 10 meh in li ser kar e, bi taybetî di polîtîkayên li ser Rojhilata Navîn de guhertineke ciddî nekiriye. Sedema vê yekê ya herî mezin jî tîmên ku dixwazin têkîliyên ligel Îranê berdewam bibin hêj li ser kar in didin nişandan. Herwiha pispor ameje pê dikin dema ku di karên dervede jî rêveberiya Trump serdest bû, dê li Rojhilata Navîn de guherînên mezin pêk bên.