Kalin: Amerîka rêzê li dadgehên Tirkiyê nagire
Hikûmeta Tirkiyê di derbarê krîza Keşe Andrew Brunson de daxwaza Amerîkayê red kir.
K24 – Navenda Nûçeyan
Hikûmeta Tirkiyê di derbarê krîza Keşe Andrew Brunson de daxwaza Amerîkayê red kir.
Berdevkê Serokomariya Tirkiyê Îbrahîm Kalin bersiva Şewirmendê Asayişa Netewî ya Amerîkayê John Bolton da û got, doza Andrew Brunson dozeke hikûqî ye û berdewam dike.
Îbrahîm Kalin ku ji “Reuters” re axivîbû got: “Divê Amerîka rêz li pêvajoya dadgehkirinê bigire û daxwazên Amerîkayê nayên qebûlkirin.”
Şewirmendê Asayişa Netewî ya Amerîkayê John Bolton duh gotibû, heger Tirkiye Keşeyê Amerîkî Andrew Brunson azad bike dê krîza wan jî çareser bibe.
Roja 1ê Tebaxê û bi sedema desteserkirina keşeyê Amerîkî Andrew Brunsin ji aliyê Tirkiyê ve, îdara Amerîkî ciza li ser wezîrên dadê û navxweyî yên Tirkiyê sepandibû.
S. B