Indonesia .. Qurbaniyên erdhej û tsunamiyê gihîşt 832 kuştiyan

K24 – Navenda Nûçeyan

Rêveberiya Hawarçûnê ya Indonesia ragihand, hejmara qurbaniyên erdhej û tsunamiya girava Sulawesi gihîşt 832 kuştiyan.

Peyvdarê Rêveberiya Hawarçûnê ya Indonesia Sutopo Purwo Nugroho  ji rojnamevanan re ragihand, di encama erdheja ku tundiya wê gihîşt 7.5 pile Richter û pêlên tsunamiyê yên gihîşt bilindahiya 6 metroyan de 832 kesan canê xwe jidest dan.

Duhî li girava Sulawesi ya Indonesia erdhej bi tundiya 7.5 pile Richter rû dabû û pêlên tsunamiyê jî gihîşt bilindahiya 6 metroyan.

Amaje bi wê yekê jî kir, ji erdhej û tsunamiyê hîna bi hezaran welatî di bin avahiyên rûxandî de asê mane.

Li Indonesia di meha Tîrmeh û Tebaxa bûrî de jî erdhejê li girava Lombok rû dabû û di encamê de zêdetir ji 500 kesî canê xwe jidest dabû.

S. B