Parlemantoya Kurdistanê Serokê Herêmê hildibijêre
Serokatiya Parlemantoya Herêma Kurdistanê di bangeşenameyekê de dawaz ji parlemantaran dike, roja 28ê vê mehê beşdarî civînê bibin. Serokê Fraksiyona PDKê jî aşkere dike, di civînê de Parlemantoya Kurdistanê Serokê Herêmê hildibijêre.
K24 – Navenda Nûçeyan
Serokatiya Parlemantoya Herêma Kurdistanê di bangeşenameyekê de dawaz ji parlemantaran dike, roja 28ê vê mehê beşdarî civînê bibin. Serokê Fraksiyona PDKê jî aşkere dike, di civînê de Parlemantoya Kurdistanê Serokê Herêmê hildibijêre.
Di bangeşenameya Serokatiya Parlemantoyê de ku îmzeya Seroka Parlemantoya Vala Ferîd li ser e tê de hatiye, li gor madeya 18 a peyrewa navxwe ya Parlemantoya Kurdistanê, me biryar da bangeşeya hemû parlemantaran bikin, bo di rûniştina hejmar 6 a asayî di roja 28ê Gulanê de amade bin.
Serokê Fraksiyona PDKê Omêd Xoşnaw ji K24ê re ragihand, civîna 28ê Gulanê taybet bi hilbijartina Serokê Herêma Kurdistanê dibe û Parlemanto baweriyê dide Serokê Herêma Kurdistanê. Piştî cejnê jî rêwresma sûndxwarinê ya Serokê Herêma Kurdistanê birêve diçe.
Got jî: “Piştî Serokê Herêma Kurdistanê sûnd bixwîne, di zûtirîn dem de Serokê Hikûmeta Herêma Kurdistanê bi pêkanîna kabîneya nû tê raspardin.”
S. B