Îro Serokê Herêma Kurdistanê tê hilbijartin
Îro Parlemantoya Kurdistanê dicive û Serokê Herêma Kurdistanê hildibijêre.
K24 – Navenda Nûçeyan
Îro Parlemantoya Kurdistanê dicive û Serokê Herêma Kurdistanê hildibijêre.
Li gor karnameya Serokatiya Parlemantoya Kurdistanê, Parlemanto bi mebesta hilbijartina Serokê Herêma Kurdistanê îro demjimêr 11:00 dicive.
Serokatiya Parlemantoya Kurdistanê aşkere kiribû, 5 kesan xwe ji bo posta Serokê Herêma Kurdistanê xwe namzet kiribûn ew jî, Nêçîrvan Idrîs Mistefa Barzanî, Omêd Ebdilselam Qadir, Mihemed Heme Salih Omer, Rêbwar Ezîz Mistefa û Hêwa Ebdulah Xidir ji bo posta Serokê Herêma Kurdistanê namzet in.
Serokê Fraksiyona PDKê Omêd Xoşnaw pêştir ji K24ê re ragihandibû, civîna 28ê Gulanê taybet bi hilbijartina Serokê Herêma Kurdistanê dibe û Parlemanto baweriyê dide Serokê Herêma Kurdistanê. Piştî cejnê jî rêwresma sûndxwarinê ya Serokê Herêma Kurdistanê birêve diçe.
Serokê Herêma Kurdistanê vê care di nava Parlemantoyê de tê hilbijartin. Li gor yasayê di dema dengdanê de, namzetên Posta Serokê Herêma Kurdistanê amade nabin.
S. B