Tirkiye: Firokeyan li bingehên PKKê li Heftanînê dan
Arteşa Tirkiyê bingehên PKKê yên li Heftanînê bombebaran kirin û li gor Wezareta Bergîriyê ya Tirkiyê 7 gerîlayên PKKê canê xwe ji dest dane.
K24 – Navenda Nûçeyan
Arteşa Tirkiyê bingehên PKKê yên li Heftanînê bombebaran kirin û li gor Wezareta Bergîriyê ya Tirkiyê 7 gerîlayên PKKê canê xwe ji dest dane.
Wezareta Bergîriyê ya Tirkiyê ragihand, firokeyên wan ên şerî bingehên PKKê yên li Heftanînê bombebaran kirine û di encamê de 7 gerîlayên PKKê canê xwe ji dest dane.
Arteşa Tirkiyê di 27ê Gulana bûrî de li Xakurkê li dijî gerîlayên PKKê operasyoneke bi navê Pençe 1 dabû destpêkirin, roja 24ê Tebaxê jî li Heftanîn û Sînatê dest bi operasyonê “Pençe 3” kiribû.
Ji aliyekî din ve, Wezareta Navxwe ya Tirkiyê ragihand jî, li bajarokê Berwarî yê girêdayî bajarê Sêrtê di encama operasyoneke esmanî de 5 gerîlayên PKKê canê xwe ji dest dane.
Hêzên Parastina Gel (HPG) jî ji aliyê xwe da zanîn, gerîlayên wan li bajarê Colemêrgê bi êrîşeke berfireh 5 leşkerên Tirkiyê kuştine.
S. B