Serok Barzanî helwêsta xwe derbarê rewşa rojavaya Kurdistanê ragehand
Serok Mesûd Barzanî helwêsta xwe ragehand derbarê rewşa rojavaya Kurdistanê û eger û metirsîyên rûdana şer û hêrişa serbazî artêşa Tirkiyê bo ser bakûra rojhelata Suriyê û rojhelata Firatê.
K24- Hewlêr
Serok Mesûd Barzanî helwêsta xwe ragehand derbarê rewşa rojavaya Kurdistanê û eger û metirsîyên rûdana şer û hêrişa serbazî ya artêşa Tirkiyê bo ser bakûra rojhelata Suriyê û rojhelata Firatê.
Di tiwîtekê de, serok Barzanî ragehand: Em ji pêşhatên evê dawîyê ya rewşa rojavaya Kurdistanê nîgeranîn.
Herweha nivîsîye: Hemû hewlekê dê bidîn daku xelkê rojavaya Kurdistanê hevrûşî nehematîyên zêdetir nebin.
Serok Barzanî aşkera kirîye, bo hêwirkirin û tenahkirina rewşa rojavaya Kurdistanê, em di peywendîyan deyîne.
Ev peyama serok Barzanî, piştî wê yekê dihêt, duhî Emerîkayê biryar da ji Suriyayê xwe vekişîne û dawîyê bi vemana serbazên xwe bihîne û hevdem Emerîkayê ragehandibû ku rêgirîyê ji hêrşa Tirkiyê bo ser bakûra Sûriyê nake.
Piştî biryara Emerîkayê, Rêveberîya Xweser û Hêzên Suriya Demokrat ragehandin: Ew rûbirûyê hêrêş û gefên Tirkiyê dibin û helwêsta Emerîkayê jî, bi weşana xencerê li pişta hêzên xwe dazanîn.
di asta nêvdewletî de jî, Firansayê daxwaz ji Tirkiyê kir, ti zîyanekê bi Hevpeyamanîya Nêvdewletî dijî Daişê negehîne û Komara Îslamîya Îranê jî dijînî ya xwe bo hêrişa Tirkiyê bo ser bakura Suriyê derbirî.