4 çiyagerên Kurd di bûyereke trafîkê de canê xwe ji dest dan
Li ser rêya navbera Seqiz û Merîwana Rojhilatê Kurdistanê otobusek wergeriya û di encama bûyerê de 4 kesan jiyana xwe ji dest dan û 11 kes jî birîndar bûn.
Hewlêr (K24) – Li ser rêya navbera Seqiz û Merîwana Rojhilatê Kurdistanê otobusek wergeriya û di encama bûyerê de 4 kesan jiyana xwe ji dest dan û 11 kes jî birîndar bûn.
Ajansa nûçeyan a IRNAyê belav kiriye; Berpirsê Beşa Hawarçûnê ya Nexweşxaneya Seqizê ragihandiye; di encama bûyerê de 4 kesan canê xwe ji dest dane.
Herwiha berpirsê tendirustiyê eşkere kiriye ku rewşa tendirustiya hejmarek birîndaran nebal e û îhtimala zêdebûna qurbaniyan heye.
Li gor zanyariyên ku li ser medyaya civakî belav bûne, rêwiyên di otobusê de endamên grûpeke çiyager a ser bi Encûmena Sewz a Çiyayê Merîwanê bûne.
Bûyer vê sibê 4ê Hezîrana 2021ê qewimiye û welatiyên bi navê Şûle Qadirî, Arşam Ezîzî, Dawid Baxîş, Kawe Xusrewzade ku çiyager û endamên grûpa çiyageriyê ne, di bûyerê de jiyana xwe ji dest dane.
